ന്യൂദല്ഹി: നടിയെ ആക്രമിച്ച കേസിലെ ഒന്നാം പ്രതിയായ പള്സര് സുനി ജാമ്യം തേടി സുപ്രീംകോടതിയില്.ആരോഗ്യകാരണങ്ങള് ചൂണ്ടിക്കാട്ടിയാണ് സുനി സുപ്രീംകോടതിയില് ഹര്ജി നല്കിയത്.
പള്സര് സുനിയുടെ ജാമ്യ ഹര്ജി നേരത്തെ ഹൈക്കോടതി തള്ളിയിരുന്നു. അഭിഭാഷകന് ശ്രീറാം പാറക്കാട്ട്, എം എസ് വിഷ്ണു ശങ്കര് ചിതറ എന്നിവരാണ് ഹര്ജി സമര്പ്പിച്ചത്.
രണ്ടാം പ്രതി മാര്ട്ടിന് ആന്റണിക്ക് സുപ്രീംകോടതി നേരത്തെ ജാമ്യം അനുവദിച്ചിരുന്നു. വിചാരണയുടെ അന്തിമഘട്ടത്തിലായതിനാല് ജാമ്യം നല്കരുതെന്ന സര്ക്കാര് വാദം അംഗീകരിച്ചാണ് സുനിയുടെ ജാമ്യാപേക്ഷ കോടതി നേരത്തെ തള്ളിയത്.
2017 ഫെബ്രുവരിയിലാണ് നടി ആക്രമിക്കപ്പെട്ടത്.നടന് ദിലീപ് പ്രതിയായ കേസാണിത്.
