ആലപ്പുഴ: ദുരന്തം ദുരിതം വിതച്ച വയനാടിന് ചക്കുളത്തുകാവ് ശ്രീ ഭഗവതി ക്ഷേത്രത്തിന്റെ കൈത്താങ്ങ്. ചക്കുളത്തുകാവ് ട്രസ്റ്റിന്റെയും ചക്കുളത്തമ്മ സഞ്ജിനി ആശ്രമം ചാരിറ്റബിള്‍ ട്രസ്റ്റിന്റെയും നേതൃത്വത്തില്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് അഞ്ചു ലക്ഷം രൂപയുടെ ചെക്ക് കൈമാറി.
ക്ഷേത്രത്തില്‍ വെച്ച് മുഖ്യ കാര്യദര്‍ശി രാധകൃഷ്ണന്‍ നമ്പൂതിരിയും കാര്യദര്‍ശി മണിക്കുട്ടന്‍ നമ്പൂതിരിയും ചേര്‍ന്ന് ആലപ്പുഴ സബ് കളക്ടര്‍ സമീര്‍ കിഷന് ചെക്ക് കൈമാറി.
കുട്ടനാട് തഹസിന്‍ദാര്‍ എസ്.അന്‍വര്‍,പി.വി ജയേഷ്, ഡെപ്യൂട്ടി തഹസിന്‍ദാര്‍ വി.എസ് സൂരജ്, രഞ്ചിത്ത് ബി. നമ്പൂതിരി, ജയസൂര്യ നമ്പൂതിരി ,രമേശ് ഇളമണ്‍ നമ്പൂതിരി, അജിത്ത് പിഷാരത്ത്, എന്‍ ദേവിദാസ്, ഡി.പ്രസന്നകുമാര്‍, പി.കെ സ്വാമിനാഥന്‍, രാജീവ് എം.പി, കെ.എസ് ബിനു എന്നിവര്‍ സന്നിഹിതരായിരുന്നു.
