കൊച്ചി: വിമാനത്താവള ടെര്മിനലിലേക്കുള്ള പ്രവേശനവും ചെക്ക് ഇന് നടപടികളും ബാര്കോഡുള്ള ടിക്കറ്റുകള് വേണമെന്ന ബ്യൂറോ ഒഫ് സിവില് ഏവിയേഷന് സെക്യൂരിറ്റിയുടെ നിര്ദ്ദേശം നിര്ബന്ധമാക്കിയിട്ടില്ലെന്ന് നെടുമ്പാശേരി എയര്പോര്ട്ട് അധികൃതര്. ചെക്ക് ഇന് ആയാസരഹിതമാക്കുക എന്നതുമാത്രമാണ് ഇക്കാര്യത്തിലുള്ള നയം. ഇത്തരം സംവിധാനം യാത്രക്കാരുടെയും വിമാനത്താവളങ്ങളുടെയും സുരക്ഷയ്ക്കും സൗകര്യത്തിനും വേണ്ടിയാണ് നിര്ദ്ദേശിച്ചിരിക്കുന്നത്. യാത്രക്കാര്ക്ക് നിലവിലെ സൗകര്യങ്ങള് ഉപയോഗിച്ചും യാത്ര ചെയ്യാമെന്ന് അധികൃതരും അറിയിച്ചു.യാത്രക്കാരെന്ന വ്യാജേന മറ്റുള്ളവര് വിമാനത്താവളങ്ങളില് പ്രവേശിക്കുന്നത് തടയാനാണ് ക്യൂ ആര് കോഡുള്ള ടിക്കറ്റും ബോര്ഡിംഗ്് പാസും വ്യോമയാനമന്ത്രാലയം ഏര്പ്പെടുത്തിയത്.
