കാസര്ഗോഡ്: കര്ണാടകയില് നിന്ന് അനധികൃതമായി കടത്തിയ മദ്യശേഖരം പിടികൂടി. 34.56 ലിറ്റര് മദ്യവുമായി രണ്ട് പേരെയാണ് എക്സൈസ് സംഘം അറസ്റ്റ് ചെയ്തത്.
കാസര്ഗോഡ് പനയാല് കുന്നിച്ചി സ്വദേശി ഡേവിഡ് പ്രശാന്ത് , മൊയോളം സ്വദേശി ഉപേന്ദ്രന് എന്നിവരാണ് പിടിയിലായത്. ഡേവിഡ് പ്രശാന്ത് ഉപേന്ദ്രന് മദ്യം കൈമാറുന്ന സമയത്താണ് എക്സൈസ് സംഘം ഇവരെ പിടികൂടിയത്.
ഉപേന്ദ്രന് അബ്കാരി കേസിലെ മുന് പ്രതിയാണ്. പ്രതി ഡേവിഡ് പ്രശാന്തിനെ ചോദ്യം ചെയ്തതില് നിന്നും ലഭിച്ച വിവരത്തിന്റെ അടിസ്ഥാനത്തില് ഇയാളുടെ വീടിന് സമീപം ഒഴിഞ്ഞ പറമ്പില് നിര്ത്തിയിട്ട സ്വിഫ്റ്റ് കാറില് നിന്നും രണ്ട് കെയ്സ് മദ്യം കൂടി പിടിച്ചെടുത്തു.
