കോഴിക്കോട് : ഷിരൂരില് മണ്ണിടിച്ചിലില് കാണാതായ അര്ജുന്റെ കുട്ടിയുടെ പ്രതികരണം എടുത്ത യൂട്യൂബ് ചാനലിനെതിരെ കേസ്.മഴവില് കേരളം യൂട്യൂബ് ചാനലിനെതിരെ ബാലാവകാശ കമ്മീഷനാണ് കേസ് എടുത്തത്. കുട്ടിയോട് അവതാരക അപമര്യാദയായി പെരുമാറിയെന്നും പരാതിയില് പറയുന്നു.
പാലക്കാട് സ്വദേശിയായ സിനില് ദാസാണ് പരാതി നല്കിയത്. അവതാരകയ്ക്കും ചാനലിനുമെതിരെ കേസ് എടുക്കണമെന്നാണ് പരാതിയിലെ ആവശ്യം. അന്വേഷണം നടത്തി റിപ്പോര്ട്ട് നല്കാന് ബാലാവകാശ കമ്മീഷന് ജില്ലാ പൊലീസ് മേധാവിക്ക് നിര്ദേശം നല്കി.
പോക്സോ വകുപ്പിന്റെ പരിധിയില് പെടുന്ന കുറ്റമാണ് അവതാരക ചെയ്തതെന്നും പരാതിയില് പറയുന്നു. അര്ജുന്റെ കുട്ടിയുടെ പ്രതികരണമെടുത്തതില് വ്യാപക വിമര്ശനം ഉയര്ന്നിരുന്നു.
