കൊച്ചി: വരും സീസണില് കേരള ബ്ലാസ്റ്റേഴ്സ് എഫ് സിയെ ബാറ്ററി.എ ഐ പ്രെസന്റിങ് സ്പോണ്സര്മാരാകും. ഇതിനാല് ബാറ്ററി.എ ഐ യുടെ ഗെയിം ടെക് പ്ലാറ്റ് ഫോമിലൂടെ നൂതനമായ ലൈവ് ഗെയിം അനുഭവം ആരാധകര്ക്ക് ലഭ്യമാകും.
ഇതിനൊപ്പം ബാറ്ററി.എഐയുടെ നൂതനമായ ഫാന്റസിയും സ്പോര്ട്ട്സ് ന്യൂസ് പ്ലാറ്റ്ഫോമും രാജ്യത്തുടനീളമുള്ള കായിക ആരാധകര്ക്ക് അവരുടെ പ്രിയപ്പെട്ട ടീമുകളുടെ എല്ലാ വിവരങ്ങളും ലഭിക്കുന്ന വിധത്തില് സജ്ജമായിരിക്കും.
കേരള ബ്ലാസ്റ്റേഴ്സ് എഫ്സിയുമായുള്ള പങ്കാളിത്തം പ്രഖ്യാപിക്കുന്നതില് അതിയായ സന്തോഷമുണ്ടെന്ന് ബാറ്ററിഎഐ ടീം പറഞ്ഞു. ഇത്തരമൊരു അവസരം ലഭിച്ചതില് അഭിമാനവും ആഹ്ലാദവും ഉണ്ടെന്നും ചൂണ്ടിക്കാട്ടി.
