തൃശ്ശൂര്: ക്ഷേത്രങ്ങളുടെ ജീര്ണോദ്ധാരണത്തിനും വേദപാഠശാലകള്ക്കും ഗുരുവായൂര് ദേവസ്വം നല്കുന്ന ധനസഹായത്തിന് അപേക്ഷിക്കാന് വീണ്ടും അവസരം.
ഓണ്ലൈന് അപേക്ഷ സമര്പ്പിക്കാനാകാത്ത ക്ഷേത്രങ്ങള്ക്കും വേദപാഠശാലകള്ക്കും ജൂലൈ 26 മുതല് 31 വരെ വീണ്ടും അപേക്ഷിക്കാന് ദേവസ്വം ഭരണസമിതി അനുമതി നല്കി. സാങ്കേതിക കാരണങ്ങളാല് അപേക്ഷിക്കാനായില്ലെന്ന് കാട്ടി ക്ഷേത്രസമിതികള് നല്കിയ നിവേദനങ്ങള് കണക്കിലെടുത്താണ് തീരുമാനം.
26ന് രാവിലെ 10.30 മുതല് ഓണ്ലൈന് വഴി അപേക്ഷിക്കാം. രേഖകള് സഹിതം ദേവസ്വം കാര്യാലയത്തില് അപേക്ഷ ലഭിക്കേണ്ട അവസാന തീയതി ആഗസ്ത് ആറ് വൈകിട്ട് അഞ്ച്. ഓണ്ലൈന് വഴി നേരത്തെ അപേക്ഷിച്ചവര് ഇനി അപേക്ഷിക്കേണ്ടതില്ല.
