തിരുവനന്തപുരം: മകള് മീനാക്ഷി ഡോക്ടറായപ്പോള് അമ്മ മഞ്ജുവാര്യര് പ്രതികരിക്കില്ലെന്നാണ് പലരും കരുതിയത്. എന്നാല് അതീവ ഗോപ്യമായി ഇന്സ്റ്റഗ്രാമില് മകളെ അഭിനന്ദിച്ച് മഞ്ജു വാര്യര് ഒരു പോസ്റ്റിട്ടിരുന്നു.
അത് സമൂഹമാധ്യമങ്ങളില് വൈറലായി. ദിലീപും മഞ്ജുവാര്യരും പിരിഞ്ഞ ശേഷം മകള് മീനാക്ഷിയെ ഒരിയ്ക്കല് പോലും മഞ്ജു വാര്യര് നേരിട്ട് കണ്ടിട്ടില്ല. മകള് അച്ഛന് ദിലീപിനൊപ്പം പൊതു പരിപാടികളിലും വിവാഹസല്ക്കാരങ്ങളിലും മറ്റുമൊക്കെ പങ്കെടുക്കുമെന്നല്ലാതെ അമ്മയും മകളും നേരിട്ട് കാണാറില്ല. അധികവും ദിലീപിന്റെയും കാവ്യാമാധവന്റെയും കൂടെയാണ് മീനാക്ഷി പ്രത്യക്ഷപ്പെടുക പതിവ്. ഡോക്ടറായി പ്രഖ്യാപനം നടത്തുന്ന ചടങ്ങിലും ദിലീപും കാവ്യാമാധവനും ആയിരുന്നു മീനാക്ഷിയ്ക്കൊപ്പം.
എന്തായാലും മീനാക്ഷിയെ അഭിനന്ദിച്ച് മഞ്ജു വാര്യര് പോസ്റ്റിട്ടതോടെ മറ്റൊരു കാര്യവും സംഭവിച്ചു. മീനാക്ഷി മഞ്ജുവാര്യരെ ഇന്സ്റ്റഗ്രാമില് ഫോളോ ചെയ്തു. തിരിച്ച് മഞ്ജുവാര്യര് മകള് മീനാക്ഷിയെയും ഫോളൊ ചെയ്തിരിക്കുകയാണ്.
