ന്യൂദല്ഹി: ആലപ്പുഴയില് 2025 വരെ താറാവ് ഉള്പ്പെടെ പക്ഷി വളര്ത്തലിന് നിരോധനം ഏര്പ്പെടുത്തേണ്ടി വരുമെന്ന് മൃഗസംരക്ഷ വകുപ്പ് മന്ത്രി ജെ ചിഞ്ചുറാണി പറഞ്ഞു. പക്ഷിപ്പനി വ്യാപകമായി പടരുന്ന സാഹചര്യത്തിലാണ് ഇത്തരത്തിലൊരു ആലോചനയെന്ന് മന്ത്രി ദല്ഹയില് പറഞ്ഞു.
വൈറസിന്റെ ശക്തി കുറയും വരെ നിയന്ത്രണങ്ങള് വേണ്ടി വരും. ഇത് സംബന്ധിച്ച് കര്ഷകരുമായി ചര്ച്ച നടത്തി. 32 സ്പോട്ടുകള് വളരെ നിര്ണായാകമാണെന്നും മന്ത്രി കൂട്ടിച്ചേര്ത്തു.
കേരളത്തില് ആലപ്പുഴ കുട്ടനാട്, പത്തനംതിട്ട എന്നിവിടങ്ങളിലാണ് പക്ഷിപ്പനി സ്ഥിരീകരിച്ചത്. എല്ലാവര്ഷവും ദേശാടന പക്ഷികള് വരുമ്പോള് രോഗബാധ ഉണ്ടാകുന്നുണ്ട്. മുമ്പ് ഉള്ളതുപോലുള്ള വൈറസല്ല ഇത്തവണ വേറെ വൈറസാണ് പക്ഷികളെ ബാധിച്ചത്.
പക്ഷിപ്പനി സ്ഥിരീകരിക്കാന് പുതിയ ലാബ് പാലോട് സ്ഥാപിക്കുന്നത് സംബന്ധിച്ച് കേന്ദ്രത്തെ അറിയിച്ചു. കേന്ദ്രം ആവശ്യം അംഗീകരിച്ചിട്ടുണ്ടെന്നും ജെ ചിഞ്ചുറാണി പറഞ്ഞു. പക്ഷിപ്പനിയില് സംസ്ഥാനം ചിലവഴിച്ച തുക ഉടന് നല്കണമെന്ന് കേന്ദ്രത്തോട്ട് ആവശ്യപ്പെട്ടുവെന്നും മന്ത്രി അറിയിച്ചു.
