കണ്ണൂര്: പെട്രോള് അടിച്ചതിന്റെ കാശ് ചോദിച്ച പമ്പ് ജീവനക്കാരനെ കാറിന്റെ ബോണറ്റിലിരുത്തി സ്റ്റേഷനിലേക്ക് ഓടിച്ച് പോയ പൊയ പൊലീസുകാരനെതിരെ വധശ്രമം ചുമത്തി കേസെടുത്തു.കണ്ണൂര് എ ആര് ക്യാമ്പ് ഡ്രൈവര് സന്തോഷിനെതിരെയാണ് കേസെടുത്തത്.
ഇയാള്ക്കെതിരെ സസ്പെന്ഷന് ഉള്പ്പെടെയുള്ള വകുപ്പുതല നടപടികള് സ്വീകരിക്കുമെന്നാണ് അറിയുന്നത്.കണ്ണൂര് തളാപ്പിലെ ഭാരത് പെട്രോള് പമ്പിലാണ് സംഭവം.
പെട്രോള് അടിച്ച പണം മുഴുവനും നല്കാതെ പോകാന് ശ്രമിക്കവെ, കാര് പമ്പ് ജീവനക്കാരന് അനില് തടയാന് ശ്രമിച്ചപ്പോഴായിരുന്നു പൊലീസുകാരന്റെ അതിക്രമം. പള്ളിക്കുളം സ്വദേശി അനിലിനെയാണ് ബോണറ്റിലിരുത്തി കൊണ്ടുപോയത്.
കഴിഞ്ഞ ഒക്ടോബറില് സന്തോഷ് മറ്റൊരു പെട്രോള് പമ്പിലേക്ക് പൊലീസ് ജീപ്പ് ഇടിച്ചു കയറ്റിയിരുന്നു. അന്ന് വാഹനത്തിന്റെ നിയന്ത്രണം വിട്ടു എന്നാണ് പറഞ്ഞത്.
