കോഴിക്കോട് :സിപിഎം കോഴിക്കോട് ടൗണ് ഏരിയ കമ്മിറ്റി അംഗം പ്രമോദ് കോട്ടൂളിയെ പുറത്താക്കിയതില് വിശദീകരണവുമായി സിപിഎം വാര്ത്താക്കുറിപ്പ്. പ്രമോദ് കോട്ടൂളി പാര്ട്ടിയുടെ സല്പ്പേരിന് കളങ്കമുണ്ടാക്കിയെന്നും അച്ചടക്കത്തിന് നിരക്കാത്ത പ്രവര്ത്തനങ്ങള് നടത്തിയെന്നുമാണ് സി പി എം വിശദീകരണം. പ്രാഥമിക അംഗത്വത്തില് നിന്നാണ് പ്രമോദിനെ പുറത്താക്കിയത്.
അതേസമയം പി എസ് സി കോഴ ആരോപണം സംബന്ധിച്ച് സിപിഎം പുറത്തിറക്കിയ വാര്ത്താക്കുറിപ്പില് ഒന്നും പറയുന്നില്ല.
പിഎസ് സി കോഴയുമായി ബന്ധപ്പെട്ടല്ല നടപടിയെന്നാണ് സിപിഎം ജില്ലാസെക്രട്ടറി പി മോഹനന്റെ വിശദീകരണം. പി എസ് സി കോഴയില് പരാതിയൊന്നും കിട്ടിയിട്ടില്ലെന്നും ബിജെപി പ്രാദേശിക നേതാവുമായി ബന്ധം പുലര്ത്തി, ആരോഗ്യമന്ത്രിയുടെ സെക്രട്ടറി സജീവന്റെ പേരു ദുരുപയോഗപ്പെടുത്തി, ആരോഗ്യവകുപ്പിലെ നിയമനത്തിന് കോഴ വാങ്ങിയെന്നതടക്കമാണ് നടപടിക്ക് കാരണം.
സിപിഎം ജില്ലാ കമ്മിറ്റിയാണ് പ്രമോദ് കോട്ടൂളിക്കെതിരെ നടപടി സ്വീകരിച്ചത്. ജില്ലാ കമ്മിറ്റി എടുത്ത തീരുമാനം ഉച്ചയ്ക്കുശേഷം ചേര്ന്ന ടൗണ് ഏരിയാ കമ്മറ്റി യോഗത്തിലും റിപ്പോര്ട്ട് ചെയ്തു.
വിഷയം കൈകാര്യം ചെയ്തതില് ജില്ലാ കമ്മിറ്റിക്ക് വീഴ്ച പറ്റിയതായാണ് സംസ്ഥാന കമ്മിറ്റിയുടെ വിലയിരുത്തല്.
