ആലപ്പുഴ: ക്ഷേത്രക്കുളത്തില് മൃതദേഹം കണ്ടതിനെ തുടര്ന്ന് അമ്പലപ്പുഴ ശ്രീകൃഷ്ണ സ്വാമി ക്ഷേത്രം താത്കാലികമായി അടച്ചു. അമ്പലപ്പുഴ സ്വദേശി മുകേഷിന്റെ മൃതദേഹമാണ് ക്ഷേത്രക്കുളത്തില് കണ്ടത്. ഇയാളെ നേരത്തേ കാണാതായതിന് പിന്നാലെ നാട്ടുകാര് തെരച്ചില് നടത്തിയിരുന്നു.
ഇനി കുളം വറ്റിച്ച് പരിഹാര ക്രിയകള് ചെയ്ത ശേഷം മാത്രമേ ക്ഷേത്രം തുറക്കൂവെന്നാണ് ഭരണസമിതി അറിയിച്ചത്. ക്ഷേത്രക്കുളത്തിന്റെ കല്പ്പടവില് നിന്ന് യുവാവിന്റെ ചെരുപ്പ് കണ്ടെടുത്തതോടെയാണ് കുളത്തില് അഗ്നിശമന സേന തെരച്ചില് നടത്തിയത്.
തുടര്ന്നാണ് മൃതദേഹം കണ്ടെത്തിയത്. ഇതോടെ ക്ഷേത്രം അടച്ചു. മൃതദേഹം ആശുപത്രിയിലേക്ക് മാറ്റി. മുകേഷിന്റെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
