പാലക്കാട്: ജില്ലയിലെ പ്രമുഖ സിപിഐ നേതാവ് ബിജെപിയില്. സിപിഐ തച്ചമ്പാറ ലോക്കല് സെക്രട്ടറിയും ജില്ലാ കൗണ്സില് അംഗവുമായ ജോര്ജ് തച്ചമ്പാറയാണ് സഹപ്രവര്ത്തകര്ക്കൊപ്പം ബിജെപിയില് ചേര്ന്നത്. തച്ചമ്പാറ ഗ്രാമപഞ്ചായത്ത് നാലാംവാര്ഡ് കോഴിയോട് മെമ്പറും ആരോഗ്യ- വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാനുമാണ് ജോര്ജ്. സംസ്ഥാന അധ്യക്ഷന് കെ. സുരേന്ദ്രന് ജോര്ജ് തച്ചമ്പാറയെയും സഹപ്രവര്ത്തകരെയും ഷാളണിയിച്ച് സ്വീകരിച്ചു. കഴിഞ്ഞ 25 വര്ഷമായി പൊതുപ്രവര്ത്തന രംഗത്തുണ്ട്.
എല്ഡിഎഫ് ഭരിക്കുന്ന തച്ചമ്പാറ പഞ്ചായത്തില് ജനക്ഷേമപ്രവര്ത്തനങ്ങള് നടക്കുന്നില്ലെന്നും മുന്നണിയിലെ പ്രശ്നത്തെ തുടര്ന്നാണ് രാജിയെന്നും ജോര്ജ് പറഞ്ഞു. പ്രധാനമന്ത്രി നരേന്ദ്രമോദിയുടെ ജനക്ഷേമ പദ്ധതികളും പ്രവര്ത്തനങ്ങളുമാണ് ബിജെപിയില് ചേരാന് കാരണമെന്നും അദ്ദേഹം പറഞ്ഞു.
സിപിഐ ബ്രാഞ്ച് സെക്രട്ടറി ടോമി പഴുകുടി, ലോക്കല് കമ്മിറ്റി അംഗവും ബ്രാഞ്ച് സെക്രട്ടറിയുമായ ശങ്കരനാരായണന്, കിസാന് സഭ പഞ്ചായത്ത് സെക്രട്ടറി മോനി, നേതാക്കളായ ജിജോ, ഷാജി പാലക്കയം, രാമന്കുട്ടി, സാബു, വാപ്പുട്ടി, കൃഷ്ണന്കുട്ടി തുടങ്ങി 15 പേരാണ് ബിജെപിയില് ചേര്ന്നത്. അടുത്തദിവസം 150 പ്രവര്ത്തകര് ബിജെപിയില് ചേരുമെന്ന് നേതാക്കള് പറഞ്ഞു.
പ്രതികരിക്കാൻ ഇവിടെ എഴുതുക: