ആലപ്പുഴ: എസ്എഫ്ഐക്കെതിരേ രൂക്ഷവിമർശനവുമായി സിപിഐ സംസ്ഥാന സെക്രട്ടറി ബിനോയ് വിശ്വം. പുതിയ എസ്എഫ്ഐക്കാർക്ക് ഇടതുപക്ഷമെന്ന വാക്കിന്റെ അർഥവും അവരുടെ രാഷ്ട്രീയ ആശയത്തിന്റെ ആഴവും അറിയില്ല, അവരെ തിരുത്തിയില്ലെങ്കിലത് ഇടുപക്ഷത്തിന് ബാധ്യതയാവും. അവരെ തിരുത്തിയെതീരൂ എന്നും അദ്ദേഹം പ്രതികരിച്ചു.
ഇടതുപക്ഷ വിദ്യാർഥി പ്രസ്ഥാനത്തിന്റെ രീതി ഇതല്ല. വളരെ പ്രാകൃതമുള്ള സംസ്ക്കാരത്തിണന്റെ ഭാഗമാണത്. സംഘടനയിലുള്ളവർ വിദ്യാർത്ഥി പ്രസ്താനത്തിന്റെ ചരിത്രം വായിക്കണം. അവരെ ചരിത്രം പഠിപ്പിക്കണം. പഠിപ്പിച്ചില്ലെങ്കിൽ എസ്എഫ്ഐ ഇടതുപക്ഷത്തിന് ബാധ്യതയായി മാറും. അവരെ നേരായ വഴിക്ക് നയിച്ച് ഇടതുപക്ഷത്തിന്റെ ശക്തിയാക്കി മാറ്റണം. അവരുടെ വഴി ഇതല്ലെന്ന് ബോധ്യമാകണമെന്നും ബിനോയ് വിശ്വം പറഞ്ഞു.
എസ്എഫ്ഐക്കാര്ക്ക് അവരുടെ രാഷ്ട്രീയത്തിന്റെ ആശയത്തിന്റെ ആഴം അറിയില്ല. പുതിയ എസ്എഫ്ഐക്കാര്ക്ക് പുതിയ ലോകത്തിനുമുന്നിലുള്ള ഇടതുപക്ഷത്തിന്റെ ഘടനയെപ്പറ്റി അറിയില്ല. അറിയാത്ത കാര്യങ്ങൾ അവരെ പഠിപ്പിക്കണം. പഠിപ്പിച്ചില്ലെങ്കില് എസ്എഫ്ഐ ഇടതുപക്ഷത്തിന് ഒരു ബാധ്യതയായി തീരുമെന്നുമായിരുന്നു ബിനോയ് വിശ്വത്തിന്റെ പ്രതികരണം.
കൊയിലാണ്ടി ഗുരുദേവ കോളേജില് പ്രിന്സിപ്പലിനെയും അധ്യാപകനെയും എസ്എഫ്ഐ പ്രവര്ത്തകര് മര്ദിച്ച സംഭവം വലിയ വിവാദമാകുകയും സംഘടനയുടെ പ്രവർത്തനരീതിക്കെതിരേ വലിയ വിമർശനം ഉയരുകയും ചെയ്തിരുന്നു. ഈ പശ്ചാത്തലത്തിലാണ് ബിനോയ് വിശ്വത്തിന്റെ വിമർശനം.
