ന്യൂഡല്ഹി: രാജ്യതലസ്ഥാനത്ത് പത്ത് വയസുകാരിയെ കൂട്ടബലാത്സംഗം ചെയ്ത് കൊലപ്പെടുത്തി. ദല്ഹിയിലെ നരേല മേഖലയിലാണ് സംഭവം.
വ്യാഴാഴ്ച രാത്രി മകളെ കാണാനില്ലെന്ന് വ്യക്തമായതോടെ കുട്ടിയുടെ പിതാവ് വെള്ളിയാഴ്ച പുലര്ച്ചെ 12.30ഓടെ പൊലീസില് പരാതി നല്കി.പൊലീസ് നടത്തിയ അന്വേഷണത്തിലാണ് ആളൊഴിഞ്ഞ സ്ഥലത്ത് തല തകര്ന്ന നിലയില് കുട്ടിയുടെ മൃതദേഹം കണ്ടെത്തിയത്.
പെണ്കുട്ടിയുടെ അയല്വാസികളായ രാഹുല്(20), ദേവ്ദത്ത്(30) എന്നിവരെ പൊലീസ് അറസ്റ്റ് ചെയ്തു.രാഹുല് പെണ്കുട്ടിയുമായി മൃതദേഹം കണ്ടെത്തിയ ഒഴിഞ്ഞ സ്ഥലത്തേക്ക് നടന്നുപോകുന്നത് കണ്ടതായി പ്രദേശവാസികള് പൊലീസിനെ അറിയിച്ചു.
അടുത്തുള്ള ഭക്ഷണശാലയില് കൊണ്ടുപോകാമെന്ന് പറഞ്ഞ് പ്രലോഭിപ്പിച്ചാണ് പ്രതികള് പെണ്കുട്ടിയെ കൊണ്ടുപോയതെന്ന് പൊലീസ് പറഞ്ഞു.
