ന്യൂദല്ഹി: പാരിസ് ഒളിംപിക്സിന് മുന്നോടിയായി ഹോക്കി ഇന്ത്യ 27 അംഗ സാധ്യതാ കോര് ടീമിനെ പ്രഖ്യാപിച്ചു. ബെഗളുരുവിലെ സായി സെന്ററില് ഇന്് മുതല് അടുത്ത മാസം എട്ട് വരെ നടക്കുന്ന കോച്ചിങ് ക്യാമ്പിന് ശേഷമായിരിക്കും അന്തിമ ടീമിനെ പ്രഖ്യാപിക്കുക. ഒളിംപിക്സിന് മുമ്പ് അന്തിമവട്ട ഒരുക്കത്തിനുള്ള ഭാരത ടീമിന്റെ അവസാന അവസരമായിരിക്കും ഇന്ന് തുടങ്ങുന്ന കോച്ചിങ് ക്യാമ്പ്.
ഒളിംപിക്സില് പൂള് ബിയിലാണ് ഭാരതം ഉള്പ്പെട്ടിരിക്കുന്നത്. ബെല്ജിയം, അര്ജന്റീന, ന്യൂസിലന്ഡ്, ഓസ്ട്രേലിയ, അയര്ലന്ഡ് എന്നിവയാണ് പൂള്ബിയിലെ മറ്റ് ടീമുകള്. ടോക്കിയോ ഒളിംപിക്സില് ഭാരതം മെഡല് നേടിയിരുന്നു. നാല് പതിറ്റാണ്ട് നീണ്ട ഇടവേളയ്ക്ക് ശേഷമാണ് ഭാരതം കഴിഞ്ഞ തവണ ഹോക്കിയില് മെഡല് നേടിയത്.
