വടകരയില്‍ യൂത്ത് കോണ്‍ഗ്രസ് പ്രാദേശിക നേതാവിന്റെ വീടിന് നേരെ സ്‌ഫോടകവസ്തു എറിഞ്ഞു

കോഴിക്കോട്: വടകരയില്‍ യൂത്ത് കോണ്‍ഗ്രസ് പ്രാദേശിക നേതാവിന്റെ വീടിനു നേരെ സ്‌ഫോടകവസ്തു എറിഞ്ഞെന്ന് പരാതി. പാലയാട് സ്വദേശി വിഷ്ണു മുതുവീട്ടിലിന്റെ വീട്ടിലേക്കാണ് വെള്ളിയാഴ്ച അര്‍ദ്ധരാത്രി ആക്രമണമുണ്ടായത്.

വീടിന്റെ ചുമരിനും വാതിലിനും കേടുപാടുകള്‍ സംഭവിച്ചു. മുകള്‍വശത്തെ ഷീറ്റിനും കേടുപറ്റി.

സംഭവസമയം വിഷ്ണു വീട്ടിലുണ്ടായിരുന്നില്ല. പയ്യോളി പൊലീസ് അന്വേഷണം ആരംഭിച്ചു.