തിരുവനന്തപുരം: കീം പരീക്ഷ കണക്കിലെടുത്ത് കൂടുതല് സര്വീസുകള് നടത്തുമെന്ന് കെഎസ്ആര്ടിസി. പരീക്ഷാര്ത്ഥികളുടെ തിരക്കിന് അനുസരിച്ച് സര്വീസുകള് ലഭ്യമാക്കും.
രാവിലെ 10 മണി മുതല് ഒരു മണി വരെയും ഉച്ചയ്ക്ക് ശേഷം മൂന്നര മുതല് അഞ്ചു മണി വരെയുമാണ് പരീക്ഷ . പരീക്ഷ എഴുതുന്നുവര് നിശ്ചിത സമയത്തിന് രണ്ടര മണിക്കൂര് മുന്പ് പരീക്ഷാ കേന്ദ്രങ്ങളില് റിപ്പോര്ട്ട് ചെയ്യണം.
ഈ സമയക്രമം കൂടി പരിഗണിച്ചാണ് സര്വീസുകള് ക്രമീകരിച്ചിട്ടുള്ളത്. യാത്രക്കാരുടെ തിരക്കിനനുസരിച്ച് ആവശ്യമെങ്കില് കൂടുതല് സര്വീസുകള് നടത്തുന്നതിനുള്ള ക്രമീകരണങ്ങളും ഏര്പ്പാടാക്കിയിട്ടുണ്ടെന്ന് കെഎസ്ആര്ടിസി അറിയിച്ചു.
