തിരുവനന്തപുരം : തന്നെയും കര്‍ണാടക സര്‍ക്കാരിനെയും താഴെയിറക്കാന്‍ കര്‍ണാടകത്തില്‍ നിന്നുള്ള ചിലര്‍ കേരളത്തിലെ ഒരു ക്ഷേത്രത്തില്‍ മൃഗബലി നടത്തിയെന്ന ഉപമുഖ്യമന്ത്രി ഡി കെ ശിവകുമാറിന്റെ ആരോപണം തളളി ദേവസ്വം മന്ത്രി കെ രാധാകൃഷ്ണന്‍. ഡേി കെ ശിവകുമാര്‍ ഉന്നയിച്ച ആരോപണം കേരളത്തില്‍ ഒരിക്കലും നടക്കാന്‍ സാധ്യതയില്ലാത്തതാണെന്ന് മന്ത്രി കെ രാധാകൃഷ്ണന്‍ അറിയിച്ചു.
ഇത്തരത്തില്‍ എന്തെങ്കിലും ഉണ്ടോയെന്ന് അന്വേഷിക്കുമെന്നും മന്ത്രി വാര്‍ത്താക്കുറിപ്പില്‍ അറിയിച്ചു.കേരളത്തിലെ ഒരു രാജരാജേശ്വര ക്ഷേത്രത്തിന് സമീപം ശത്രുഭൈരവ എന്ന പേരില്‍ നടത്തിയ യാഗത്തില്‍ 52 മൃഗങ്ങളെ ബലി നല്‍കിയെന്നാണ് ഡി കെ ശിവകുമാര്‍ ആരോപിച്ചത്. കണ്ണൂരിലാണ് മൃഗബലി നടന്നതെന്ന തരത്തില്‍ അഭ്യൂഹങ്ങള്‍ പ്രചരിച്ചെങ്കിലും അത്തരമൊരു സംഭവമുണ്ടായിട്ടില്ലെന്നാണ് അറിയുന്നത്.
കണ്ണൂരിലാണ് ഇത്തരമൊരു യാഗം നടന്നതെന്ന് അഭ്യൂഹമുണ്ടായിരുന്നെങ്കിലും തളിപ്പറമ്പിലെ രാജരാജേശ്വര ക്ഷേത്രത്തില്‍ മൃഗബലി പൂജകളില്ല. എന്നാല്‍ ശത്രുസംഹാര പൂജയ്‌ക്ക് പ്രസിദ്ധം മാടായി ക്ഷേത്രമാണ്.
പ്രതികരിക്കാൻ ഇവിടെ എഴുതുക: