മുംബൈ: ട്വന്റി 20 ലോകകപ്പിനുള്ള ഇന്ത്യയുടെ രണ്ടാം സംഘം അമേരിക്കയിലേക്ക് പുറപ്പെട്ടു. ഐ.പി.എല്ലില്‍ രാജസ്ഥാന്‍ റോയല്‍സ് താരങ്ങളായിരുന്ന യുസ്!വേന്ദ്ര ചാഹല്‍, യശസ്വി ജയ്സ്വാള്‍, ആവേശ് ഖാന്‍ എന്നിവരാണ് രണ്ടാം സംഘത്തിലുള്ളത്.
എന്നാല്‍, രാജസ്ഥാന്‍ നായകന്‍ സഞ്ജു സാംസണ്‍ ഇവര്‍ക്കൊപ്പമില്ല. ക്യാപ്റ്റന്‍ രോഹിത് ശര്‍മ, പരിശീലകന്‍ രാഹുല്‍ ദ്രാവിഡ്, ബാറ്റിങ് പരിശീലകന്‍ വിക്രം റാഥോര്‍, ഫീല്‍ഡിങ് പരിശീലകന്‍ ടി. ദിലീപ്, രവീന്ദ്ര ജദേജ, ശിവം ദുബെ, സൂര്യകുമാര്‍ യാദവ്, കുല്‍ദീപ് യാദവ് എന്നിവരടങ്ങിയ ആദ്യ സംഘം നേരത്തെ അമേരിക്കയിലെത്തിയിരുന്നു.
മലയാളി താരം സഞ്ജു സാംസണ്‍ ഇവര്‍ക്കൊപ്പമില്ല. വ്യക്തിപരമായ ചില ജോലികള്‍ പൂര്‍ത്തിയാക്കുന്നതിനായി സഞ്ജു ദുബായിലേക്കാണ് പോയത്. വിരാട് കോലി, ഇന്ത്യന്‍ വൈസ് ക്യാപ്റ്റന്‍ ഹാര്‍ദിക് പാണ്ഡ്യ എന്നിവരും യുഎസിലേക്കു പോയിട്ടില്ല. ഹാര്‍ദിക് പാണ്ഡ്യ ലണ്ടനിലേക്കു പോയതായാണു വിവരം. ഇതിനായി മൂവരും ബിസിസിഐയില്‍നിന്ന് അനുമതി വാങ്ങി്.
ജൂണ്‍ ഒന്നിന് ഇന്ത്യയ്‌ക്ക് ബംഗ്ലദേശിനെതിരായ സന്നാഹ മത്സരം കളിക്കാനുണ്ട്. ഈ മത്സരത്തില്‍ ആരൊക്കെ ഇറങ്ങുമെന്നു വ്യക്തമല്ല. ജൂണ്‍ അഞ്ചിന് അയര്‍ലന്‍ഡിനെതിരെയാണ് ഇന്ത്യയുടെ ആദ്യ ലോകകപ്പ് മത്സരം
