തൃശൂര്: അറബിക് പൂജയുടെ മറവില് യുവതിയെ മയക്കി പീഡിപ്പിച്ചയാള് അറസ്റ്റില്. ഒറ്റപ്പാലം എസ്ആര്കെ നഗറില് പാലക്കപറമ്പില് യൂസഫലിയെ(45)യാണ് തൃശൂര് അന്തിക്കാട് പോലീസ് അറസ്റ്റ് ചെയ്തത്. യുവതിയുടെ പരാതിയുടെ അടിസ്ഥാനത്തിലാണു പ്രതിയെ അറസ്റ്റ് ചെയ്തത്.
പഴുവിലിലാണ് ദോഷങ്ങള് തീര്ക്കുന്ന അറബിക് മന്ത്രവിദ്യസ്ഥാപനം നടത്തുന്നത്. അറബിക് പൂജ നടത്താന് നിരവധി പേരാണ് സ്ഥാപനത്തില് ദിവസവും എത്തുന്നത്.
ഇത്തരത്തില് ദോഷം മാറ്റുന്നതിന് വേണ്ടി പൂജക്കെത്തിയ തൃശൂര് സ്വദേശിനിയാണു പീഡനത്തിനിരയായത്. ദോഷം മാറുമെന്നു ധരിപ്പിച്ച് എന്തോ പൊടി യുവതിക്കു മണപ്പിക്കാന് കൊടുത്തു. ഇതോടെ യുവതി മയക്കത്തിലായി. ഈ തക്കത്തിന് ഇയാള് യുവതിയെ ലൈംഗികമായി പീഡിപ്പിക്കുകയായിരുന്നു.
കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
