ആലപ്പുഴ : ആലപ്പുഴ സർക്കാർ മെഡിക്കൽ കോളേജ് ആശുപത്രിയിൽ പീഡനശ്രമം. 24കാരൻ അറസ്റ്റിലായി.
ടോയ്ലറ്റിൽ വച്ച് പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമിച്ച കേസിലാണ് 24 കാരനെ തിങ്കളാഴ്ച അറസ്റ്റ് ചെയ്തത്. അമ്മയെ ആശുപത്രിയിൽ പ്രവേശിപ്പിച്ച 10 വയസ്സുകാരി കുളിക്കാനായി കുളിമുറിയിൽ കയറിയപ്പോഴായിരുന്നു സംഭവം.
പെൺകുട്ടിയുടെ നിലവിളി കേട്ട് ആളുകൾ തടിച്ചുകൂടി യുവാവിനെ പിടികൂടി പോലീസിൽ ഏൽപ്പിച്ചു. ഇയാൾക്കെതിരെ പോക്സോ അടക്കമുള്ള കുറ്റം രജിസ്റ്റർ ചെയ്തു.
