കൊച്ചി: വരാപ്പുഴ അതിരുപത സഹായമെത്രാനായി ഡോ. ആന്റണി വാലുങ്കലിനെ നിയമിച്ച് ഫ്രാന്‍സിസ് മാര്‍പാപ്പ. മെത്രാഭിഷേകം ജൂണ്‍ 30ന് വല്ലാര്‍പാടം ബസിലിക്കയില്‍ നടക്കും.
വരാപ്പുഴ അതിരൂപതാ മെത്രാപ്പോലീത്ത ആര്‍ച്ച് ബിഷപ് ജോസഫ് കളത്തിപ്പറമ്പിലാണ് പ്രഖ്യാപനം നടത്തിയത്. ഉച്ചകഴിഞ്ഞ് 3.30ന് ആര്‍ച്ച് ബിഷപ്‌സ് ഹൗസില്‍ വച്ച് പ്രഖ്യാപനം നടത്തവെ വത്തിക്കാനിലും പ്രഖ്യാപനം നടന്നു.
മുന്‍ ആര്‍ച്ച്ബിഷപ് ഫ്രാന്‍സിസ് കല്ലറക്കല്‍, ബിഷപ് ജോസഫ് കരിയില്‍, ബിഷപ് അലക്‌സ് വടക്കുംതല, ബിഷപ് ജോസഫ് കാരിക്കശേരി, മോണ്‍സിഞ്ഞോര്‍മാര്‍, വൈദികര്‍, സിസ്റ്റേഴ്‌സ്, അല്‍മായ സഹോദരങ്ങള്‍ എന്നിവര്‍ ചടങ്ങില്‍ സംബന്ധിച്ചു.
പരേതരായ മൈക്കിള്‍ ഫിലോമിന ദമ്പതികളുടെ മകനായി 1969 ജൂലൈ 26നാണ് ഡോ. ആന്റണി വാലുങ്കല്‍ ജനിച്ചത്.
