ഫഹദ് ഫാസിൽ ചിത്രം ആവേശംഒടിടിയിലേക്ക് മെയ് 9ന് ചിത്രം ഒടിടി സ്ട്രീമിംഗ് തുടങ്ങും. ആമസോൺ പ്രൈം ആണ് വിതരണാവകാശം സ്വന്തമാക്കിയിരിക്കുന്നത്. റിലീസ് ചെയ്ത് ഒരു മാസം പിന്നിടുമ്പോഴാണ് ചിത്രം ഒടിടിയിലേക്ക് എത്തുന്നത്. 150 കോടിയാണ് സിനിമയുടെ ആഗോള കളക്ഷൻ.
66 കോടിയാണ് കേരളത്തിൽ നിന്നും മാത്രം ചിത്രം വാരിക്കൂട്ടിയത്. കർണാടക–തമിഴ് നാട് എന്നിവിടങ്ങളിൽ നിന്നും പതിനാറ് കോടി ചിത്രം കലക്ട് ചെയ്തു. വിഷു റിലീസിലെ ഏറ്റവും വലിയ ഹിറ്റുകളില് ഒന്നായി മാറിയ ചിത്രം ഫഹദ് ഫാസിലിന്റെ കരിയറിലെയും ഏറ്റവും പണംവാരി സിനിമയാണ്. ഫഹദ് അവതരിപ്പിച്ച രംഗണ്ണനെ തിയറ്ററുകളില് മാത്രമല്ല, റീലുകളിലും പ്രേക്ഷകര് ഏറ്റെടുത്തുകഴിഞ്ഞു. അതേ സമയം ഗ്ലോബല് ചാര്ട്ടുകളില്പ്പോലും മുന്പന്തിയിലാണ് ആവേശത്തിലെ ഗാനങ്ങള്.
ജീത്തു മാധവനാണ് ആവേശത്തിന്റെ സംവിധായകൻ. ഫഹദ് നായനാകുന്ന ആവേശം എന്ന സിനിമയില് ആശിഷ് വിദ്യാര്ത്ഥി, സജിന് ഗോപു, റോഷന്, പ്രമുഖ മലയാളി ഗെയിമറും യൂട്യൂബറുമായ ഹിപ്സ്റ്റര്, മിഥുന് ജെഎസ്, പൂജ മോഹന്രാജ്, നീരജ രാജേന്ദ്രന്, ശ്രീജിത്ത് നായര്, തങ്കം മോഹന് തുടങ്ങിയവരും ഉണ്ട്. ഛായാഗ്രാഹണം സമീര് താഹിറാണ്. സംഗീതം സുഷിന് ശ്യാമും.
ആവേശം അന്വര് റഷീദ് എന്റര്ടൈന്മെന്റ്സിന്റെ ബാനറില് അന്വര് റഷീദ് നിര്മാണം നിര്വഹിക്കുന്നത്. നിര്മാണത്തില് നസ്രിയ നസീമും പങ്കാളിയാകുന്നു. വരികള് വിനായക് ശശികുമാറാണ് എഴുതുന്നത്. പ്രൊഡക്ഷന് ഡിസൈന് അശ്വിനി കാലെയായ ചിത്രത്തില് മേക്കപ്പ്മാനായി ആര്ജി വയനാടനും ഭാഗമാകുമ്പോള് ഓഡിയോഗ്രഫി വിഷ്ണു ഗോവിന്ദ്, ആക്ഷന് ചേതന് ഡിസൂസ, വിഎഫ്എക്സ് എഗ്ഗ് വൈറ്റ്, ഡിഐ പോയറ്റിക്, കളറിസ്റ്റ് ശ്രീക്ക് വാരിയര്, ടൈറ്റിൽ ഡിസൈന് അഭിലാഷ് ചാക്കോ, പ്രൊഡക്ഷന് കണ്ട്രോളര് വിനോദ് ശേഖര്, എക്സിക്യൂട്ടീവ് പ്രൊഡ്യൂസര് എആര് അന്സാര്, പിആര്ഒ എ എസ് ദിനേശ്, ആതിര ദില്ജിത്ത്, ഡിജിറ്റൽ മാർക്കറ്റിംഗ് സ്നേക്ക് പ്ലാന്റ് എന്നിവരുമാണ്.
