തൃശ്ശൂര്: കേരള ക്ഷേത്ര സംരക്ഷണ സമിതി സംസ്ഥാന സമ്മേളനം 25, 26 തിയതികളില് തൃശ്ശൂരില്. സമ്മേളന നടത്തിപ്പിനായി സ്വാഗത സംഘം രൂപീകരിച്ചു.
സംസ്ഥാന പ്രസിഡന്റ് മുല്ലപ്പിള്ളി കൃഷ്ണന് നമ്പൂതിരി അധ്യക്ഷത വഹിച്ചു. സംസ്ഥാന ജനറല് സെക്രട്ടറി കെ.എസ്. നാരായണന് മുഖ്യപ്രഭാഷണം നടത്തി. സംഘടന സെക്രട്ടറി ടി.യു.മോഹനന്, മേഖല പ്രസിഡന്റ് ഒ.എ. ജഗന്നിവാസന്, ജില്ലാ പ്രസിഡന്റ് കെ. സതീഷ് ചന്ദ്രന്, എ.പി. ഭരത് കുമാര്, സി.ആര്. സുരേന്ദ്രനാഥ്, എം.വി.രവി, ജി. രാധകൃഷ്ണന് എന്നിവര് സംസാരിച്ചു.
സ്വാഗത സംഘം ചെയര്മാനായി സി.ആര്.സുരേന്ദ്രനാഥിനെയും ജനറല് കണ്വീനറായി ജി. രാധകൃഷ്ണനെയും ട്രഷററായി പി.ആര്. നാരായണനെയും തെരഞ്ഞെടുത്തു. രണ്ട് ദിവസത്തെ സമ്മേളനത്തില് 1500 ലേറെ പ്രതിനിധികള് പങ്കെടുക്കും. പാറമേക്കാവ് വിദ്യാമന്ദിറിലാണ് സമ്മേളനം.
