സോലാപൂർ: പ്രതിപക്ഷമായ ‘ഇൻഡി സഖ്യം’ തങ്ങളുടെ നേതാക്കൾക്ക് ഒരു വർഷം വീതം പ്രധാനമന്ത്രി സ്ഥാനം നൽകാനാണ് ആഗ്രഹിക്കുന്നതെന്ന് പ്രധാനമന്ത്രി നരേന്ദ്ര മോദി. അത്തരമൊരു ആശയത്തെ ജനങ്ങൾ പിന്തുണയ്ക്കുന്നുണ്ടോയെന്നും പ്രധാനമന്ത്രി നരേന്ദ്ര മോദി ചോദിച്ചു.
ഇവിടെ ഒരു തിരഞ്ഞെടുപ്പ് റാലിയെ അഭിസംബോധന ചെയ്തുകൊണ്ട് സംസാരിക്കുകയായിരുന്നു മോദി. ഇൻഡി സഖ്യത്തിന്റെ നേതാവ് ആരായിരിക്കുമെന്നതിനെച്ചൊല്ലി വലിയ യുദ്ധമാണ് നടക്കുന്നത്. മുഖം അറിയാത്ത ഒരാൾക്ക് ഇത്രയും വലിയ രാജ്യം കൈമാറാൻ നിങ്ങൾക്ക് കഴിയുമോ എന്നും അദ്ദേഹം ചോദിച്ചു.
ഇൻഡി സഖ്യം അധികാരത്തിൽ വന്നാൽ അഞ്ച് വർഷത്തെ ഭരണത്തിൽ ഒരു വർഷം, ഒരു പ്രധാനമന്ത്രി എന്ന ഫോർമുല ഉപയോഗിച്ച് പ്രവർത്തിക്കുമെന്ന് മോദി അവകാശപ്പെട്ടു.
