തിരുവനന്തപുരം: കേരളത്തില്‍ എന്‍ഡിഎ അക്കൗണ്ട് മാത്രമല്ല ബ്രാഞ്ച് തന്നെ തുറക്കുമെന്നും ബ്രാഞ്ചില്‍ നിരവധി അക്കൗണ്ടുകള്‍ ഉണ്ടാവുമെന്നും കേരള കോണ്‍ഗ്രസ് സംസ്ഥാന ചെയര്‍മാന്‍ കുരുവിള മാത്യൂസ്.
മോദിയുടെ നേതൃത്വത്തിലുള്ള എന്‍ഡിഎ ഹാട്രിക്ക് വിജയം നേടും. തെരഞ്ഞെടുപ്പ് ഫലം പുറത്ത് വരുമ്പോള്‍ അത് വ്യക്തമാവും. രാജ്യമെമ്പാടും മോദി തരംഗം ആഞ്ഞടിക്കുകയാണ്. മോദിവിരുദ്ധത മാത്രം പറഞ്ഞ് തെരഞ്ഞെടുപ്പിനെ നേരിടുന്ന ഇന്‍ഡി മുന്നണി ചീട്ടുകൊട്ടാരം പോലെ തകര്‍ന്നടിയും. സംസ്ഥാനത്ത് കഴിഞ്ഞ എട്ടു വര്‍ഷക്കാലമായി ജനവിരുദ്ധ ഭരണം നടത്തുന്ന എല്‍ഡിഎഫ് സര്‍ക്കാരിനെതിരാള്ള വിലയിരുത്തലായി കേരളത്തിലെ ജനവിധി മാറും.
സമസ്ത മേഖലയും തകര്‍ത്ത പിണറായി സര്‍ക്കാര്‍ അഴിമതിയിലൂടെ എങ്ങനെ പണമുണ്ടാക്കാം എന്ന് ഗവേഷണം നടത്തി നടപ്പിലാക്കുകയാണ്. സിപിഎമ്മിന്റെ അവസാനത്തെ മുഖ്യമന്ത്രിയായി പിണറായി വിജയന്‍ മാറുമെന്നും കുരുവിള കൂട്ടിച്ചേര്‍ത്തു. ദല്‍ഹി ലഫ് ഗവര്‍ണര്‍ വി.കെ. സക്‌സേന കേരളത്തിലെ ക്രൈസ്തവ മതമേലധ്യക്ഷന്മാരെ സന്ദര്‍ശിച്ചതിനെതിരെ തെരഞ്ഞെടുപ്പ് കമ്മീഷന് പരാതി നല്‍കിയ പ്രതിപക്ഷ നേതാവിന്റെ നടപടി അദ്ദേഹത്തിന്റെ പദവിക്ക് നിരക്കാത്തതാണെന്നും കുരവിള മാത്യൂസ് കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: