കോട്ടയം: നിശബ്ദ പ്രചാരണ ദിവസമായ ഇന്ന് തൃശൂരിലെ എന് ഡി എ സ്ഥാനാര്ത്ഥി സുരേഷ് ഗോപി മത-സാമുദായിക നേതാക്കളുമായി കൂടിക്കാഴ്ച നടത്തി.രാവിലെ പാല കുരിശു പള്ളിയില് പ്രാര്ത്ഥന നടത്തിയശേഷം അദ്ദേഹം പാലാ ബിഷപ്പുമായി കൂടിക്കാഴ്ച നടത്തി.
അരുവിത്തുറ പള്ളിയില് പോകണമെന്നത് നേര്ച്ചയായിരുന്നുവെന്നും സന്ദര്ശനം തികച്ചും വ്യക്തിപരമാണെന്നും സുരേഷ് ഗോപി വെളിപ്പെടുത്തി.തികഞ്ഞ വിജയ പ്രതീക്ഷയാണുളളതെന്നും സുരേഷ് ഗോപി പറഞ്ഞു. സാമുദായിക നേതാക്കളുമായി നടത്തിയത് സൗഹൃദസന്ദര്ശനമാണെന്ന് അദ്ദേഹം വ്യക്തമാക്കി.
എന് എസ് എസ് ജനറല് സെക്രട്ടറി ജി സുകുമാരന് നായര്, എസ് എന് ഡി പി യോഗം ജനറല് സെക്രട്ടറി വെള്ളാപ്പള്ളി നടേശന്, വരാപ്പുഴ ബിഷപ്പ് എന്നിവരുമായും സുരേഷ് ഗോപി കൂടിക്കാഴ്ച നടത്തി. ശക്തമായ ത്രികോണ മത്സരമാണ് തൃശൂരില് നടക്കുന്നത്. കഴിഞ്ഞ തവണ മണ്ഡലം കൈവിട്ട ശേഷം അവിടെ തന്നെ പ്രവര്ത്തനം നടത്തിയ സുരേഷ് ഗോപി നിരവധി ജീവകാരുണ്യപ്രവര്ത്തനങ്ങള് ഇവിടെയുളളര്ക്ക് മാത്രമല്ല മണ്ഡലത്തിന് പുറത്തുളളവര്ക്കും വേണ്ടി നടത്തിയിട്ടുണ്ട്.
