ബെംഗളൂരു: കേരളവുമായി അതിര്ത്തി പങ്കിടുന്ന കര്ണാടകയിലെ പ്രദേശങ്ങളില് നക്സലുകളെ കണ്ടതായി റിപ്പോര്ട്ട്. പിന്നാലെ അതിര്ത്തി പ്രദേശങ്ങല് സുരക്ഷ ശക്തമാക്കിയതായി ഉടുപ്പി പോലീസ് സുപ്രണ്ട് അരുണ് കെ. അറിയിച്ചു.
അഞ്ച്, ആറ് വര്ഷങ്ങളായി പ്രദേശത്ത് നക്സലുകളുടെ സാന്നിധ്യമുണ്ടായിരുന്നില്ല. നക്സല് ആക്രമണങ്ങളെ ചെറുക്കുന്നതിനും അവരെ കണ്ടെത്തുന്നതിനുമായി ആന്റി നക്സല് സ്ക്വാഡുകളുടെ സഹായം തേടിയിട്ടുണ്ട്. അവരുമായി ചേര്ന്ന് അതിര്ത്തി പ്രദേശങ്ങളിലും പരിസരത്തും തെരച്ചില് ആരംഭിച്ചതായും പോലീസ് അറിയിച്ചു.
നക്സല് സാന്നിധ്യമുള്ള മേഖലകളിലെ എല്ലാ പോളിങ് ബുത്തുകളിലും തെരഞ്ഞെടുപ്പ് ദിവസം അര്ദ്ധസൈനിക വിഭാഗത്തിന്റെ സംരക്ഷണം ഉറപ്പാക്കിയിട്ടുണ്ട്. നിലവില് ഗുരുതര പ്രശ്നങ്ങളൊന്നുമില്ല. സമാധാനപരമായ തെരഞ്ഞെടുപ്പ് ഉറപ്പാക്കാനുള്ള എല്ലാ ക്രമീകരണങ്ങളും ചെയ്തിട്ടുണ്ടെന്നും പോലീസ് വ്യക്തമാക്കി.
