തൃശൂര് : ഭര്ത്താവിന്റെ മദ്യപാനം പൂജകളിലൂടെ മാറ്റാമെന്ന് വാഗദാനം ചെയ്ത് ഭാര്യയെ ലൈംഗികമായി പീഡിപ്പിച്ച പൂജാരിക്ക് 22 വര്ഷം തടവ് ശിക്ഷ വിധിച്ച് കോടതി. ഒരു ലക്ഷത്തി പതിനായിരം രൂപ പിഴയും അടയ്ക്കണം.
കുന്നംകുളത്താണ് സംഭവം. പെരിങ്ങണ്ടൂര് പൂന്തുട്ടില് വീട്ടില് സന്തോഷിനെയെയാണ് കുന്നംകുളം ഫാസ്റ്റ് ട്രാക്ക് സ്പെഷ്യല് കോടതി ജഡ്ജി എസ്.ലിഷ ശിക്ഷിച്ചത്. 2016 ലാണ് കേസിനാസ്പദമായ സംഭവമുണ്ടായത്.
ഭര്ത്താവിന്റെ മദ്യപാനം നിര്ത്താനായാണ് പൂജാരിയെ വീട്ടമ്മ സമീപിച്ചത്. പൂജകള്ക്കായി പ്രതിയുടെ വീടിനടുത്തുള്ള പെരിങ്ങണ്ടൂരുള്ള ക്ഷേത്രത്തിലേക്ക് വിളിച്ച് വരുത്തിയ യുവതിയെ പ്രതിയുടെ വീട്ടില് വെച്ചും പിന്നീട് ബലാത്സംഗ വിവരം പുറത്ത് പറയുമെന്ന് ഭീഷണിപ്പെടുത്തി യുവതിയുടെ വീട്ടിലേക്ക് അതിക്രമിച്ച് കയറിയും പീഡിപ്പിച്ചു.
തൃശൂര് മെഡിക്കല് കോളേജിന് സമീപമുളള ലോഡ്ജില് വെച്ചും യുവതിയെ പീഡിപ്പിച്ചു. തുടര്ന്നാണ് പരാതി നല്കിയത്. കേസില് 18 സാക്ഷികളെ വിസ്തരിച്ചു.
