തൃശൃര്: തൃശൂരില് പ്രസവ ശസ്ത്രക്രിയയെ തുടര്ന്ന് വീണ്ടും യുവതി മരിച്ചെന്ന് ആരോപണം. കൊടുങ്ങല്ലൂരില് ചെന്ത്രാപ്പിന്നി അലുവത്തെരുവ് പടിഞ്ഞാറ് ഭാഗം കുട്ടോടത്ത് പാടം വീട്ടില് അഷിമോന്റെ ഭാര്യ കാര്ത്തിക (28) ആണ് മരിച്ചത്.
കൊടുങ്ങല്ലൂര് താലൂക്ക് ആശുപത്രിയിലെ ചികിത്സാ പിഴവാണ് മരണകാരണമെന്ന് ഭര്ത്താവും ബന്ധുക്കളും ആരോപിച്ചു. സംഭവത്തില് കൊടുങ്ങല്ലൂര് പൊലീസില് പരാതി നല്കി.
തൃശൂരില് പോട്ട പാലസ് ആശുപത്രിയിലെ പ്രസവാനന്തര ശസ്ത്രക്രിയയ്ക്കിടെ യുവതി മരിച്ച സംഭവത്തിന് പിന്നാലെയാണ് സമാനമായ രീതിയില് മറ്റൊരു ദാരുണ സംഭവം കൂടി ഉണ്ടായത്. മാള സ്വദേശിനി നീതു (31) ആണ് പ്രസവാനന്തര ശസ്ത്രക്രിയയ്ക്കിടെ മരിച്ചത്. പോട്ട പാലസ് ആശുപത്രിയിലെ ചികിത്സ പിഴവാണ് മരണത്തിന് കാരണമെന്നാണ് ആരോപിച്ച് യുവതിയുടെ ബന്ധുക്കള് ചാലക്കുടി പൊലീസിന് പരാതി നല്കി.
