കോട്ടയം: വെള്ളൂർ റെയിൽവേ സ്റ്റേഷനിൽ ട്രെയിൻ തട്ടി രണ്ട് യുവാക്കൾക്ക് ദാരുണാന്ത്യം. ഇന്ന് പുലർച്ച് മൂന്ന് മണിയോടെയായിരുന്നു സംഭവം. വെള്ളൂർ സ്രാങ്കുഴി കട്ടിംഗിന് സമീപമാണ് അപകടം നടന്നത്. സ്രാങ്കുഴി മൂലേടത്ത് ജിഷ്ണു വേണുഗോപാൽ, വെള്ളൂർ മൂത്തേടത്ത് വൈഷ്ണവ് എന്നിവരാണ് മരിച്ചത്.
വടയാർ ഇളംങ്കാവ് ക്ഷേത്രത്തിലെ ആറ്റുവേല കണ്ട് മടങ്ങുന്നതിനിടെയാണ് അപകടം എന്നാണ് പ്രാഥമിക വിവരം. വെള്ളൂർ പോലീസും റെയിൽവേ പോലീസും സ്ഥലത്ത് എത്തിയിട്ടുണ്ട്. സംഭവത്തിൽ കൂടുതൽ വിവരങ്ങൾ പുറത്തു വന്നിട്ടില്ല.
