തിരുവനന്തപുരം: ലോക്സഭ തെരഞ്ഞെടുപ്പ് പ്രഖ്യാപിച്ച ശേഷം സംസ്ഥാനത്ത് വിവിധ ഏജന്സികള് ഇതുവരെ നടത്തിയ പരിശോധനകളില് 33.31 കോടി(33,31,96,947) രൂപയുടെ പണവും മറ്റും വസ്തുക്കളും പിടിച്ചെടുത്തതായി മുഖ്യതിരഞ്ഞെടുപ്പ് ഓഫീസര് സഞ്ജയ് കൗള്.തെരഞ്ഞെടുപ്പ് പ്രഖ്യാപിച്ച മാര്ച്ച് 16 മുതല് ഏപ്രില് 3 വരെയുള്ള കണക്കാണിത്.
മതിയായ രേഖകളില്ലാതെ കൊണ്ടുപോയ പണം, മദ്യം, ലഹരി വസ്തുക്കള്, സ്വര്ണമടക്കമുള്ള അമൂല്യ വസ്തുക്കള്, സൗജന്യ വിതരണത്തിനുള്ള വസ്തുക്കള് എന്നിവയാണ് പിടികൂടിയത്. പൊലീസ്, ആദായനികുതി വകുപ്പ്, എക്സൈസ് , എസ്.ജി.എസ്.ടി വിഭാഗം, ഡയറക്ടേറേറ്റ് ഓഫ് എന്ഫോഴ്സ്മെന്റ്, ഡയറക്ടറേറ്റ് ഓഫ് റവന്യു ഇന്റലിജന്സ്, നാര്കോട്ടിക്സ് കണ്ട്രോള് ബ്യൂറോ, മറ്റ് ഏജന്സികള് എന്നിവ സംസ്ഥാനത്ത് വിവിധയിടങ്ങളില് നടത്തിയ പരിശോധനയിലാണ് ഇവ പിടിച്ചെടുത്തത്.
രേഖകളില്ലാതെ കൊണ്ടുപോയ 6,67,43,960)രൂപ, 1,0003677 മൂല്യമുള്ള 28,867 ലിറ്റര് മദ്യം, 61,38,6395 രൂപ മൂല്യമുള്ള 2,33,723 ഗ്രാം മയക്കുമരുന്നുകള്,14,9171959 രൂപ മൂല്യമുള്ള അമൂല്യ ലോഹങ്ങള്, 4,58,90,953 രൂപ മൂല്യമുളള സൗജന്യവസ്തുക്കള് എന്നിവയാണ് വിവിധ ഏജന്സികള് പരിശോധനകളില് പിടിച്ചെടുത്തത്. റവന്യു ഇന്റലിജന്സ് വിഭാഗം 9,14,96,977 രൂപയുടെ വസ്തുക്കളും പൊലീസ് 8,89,18,072രൂപ മൂല്യമുള്ള വസ്തുക്കളും എക്സൈസ് 7,11,23,064 രൂപയുടെ വസ്തുക്കളുമാണ് ഇതുവരെ പിടിച്ചെടുത്തത്.
പ്രതികരിക്കാൻ ഇവിടെ എഴുതുക: