ഫ്‌ളോറിഡ: മയാമി ഓപ്പണ്‍ ടെന്നിസില്‍ ഭാരതതാരം രോഹന്‍ ബൊപ്പണ്ണയും മാത്യു എബ്‌ഡെനും അടങ്ങിയ സഖ്യം ക്വാര്‍ട്ടറില്‍ കടന്നു. ഹ്യൂഗോ നൈസ് – യാന്‍ സിയേലിന്‍സ്‌കി സഖ്യത്തെ തോല്‍പ്പിച്ചാണ് ഇരുവരുടെയും മുന്നേറ്റം. ടോപ് സീഡ് താരങ്ങളായ ഇരുവരും നേരിട്ടുള്ള സെറ്റ് വിജയം വെറും ഒരുമണിക്കൂര്‍ 39 മിനിറ്റുകൊണ്ടാണ് തോല്‍പ്പിച്ചത്. സ്‌കോര്‍: 7-5, 7-6(7-3)
നേരിട്ടുള്ള സെറ്റ് വിജയം നേടിയെങ്കിലും കടുത്ത പോരാട്ടമാണ് ഇരുവര്‍ക്കും നേരിടേണ്ടിവന്നത്. ഒപ്പത്തിനോപ്പമാണ് രണ്ട് സെറ്റും പുരോഗമിച്ചുകൊണ്ടിരുന്നത്. ആദ്യ സെറ്റിലെ ഇഞ്ചോടിഞ്ച് പോരാട്ടത്തില്‍ ബോപ്പണ്ണ-എബ്‌ഡെന്‍ സഖ്യം 6-5ന് മുന്നില്‍ കടന്നു. ബ്രേക്കിങ് പോയിന്റുകളുടെ മികവില്‍ അടുത്ത പോയിന്റും നേടി സെറ്റ് സ്വന്തമാക്കി. രണ്ടാം സെറ്റ് ടൈബ്രേക്കറിലാണ് നിശ്ചയിക്കപ്പെട്ടത്‌
