വിതുര: എല്‍ഡിഎഫ് വിതുരമേഖല തെരഞ്ഞെടുപ്പ് കമ്മിറ്റി ഓഫീസ് പ്രവര്‍ത്തിക്കുന്നത് വിതുര ഗ്രാമപഞ്ചായത്തിന്റെ നിയന്ത്രണത്തിലുള്ള കെട്ടിടത്തില്‍. വിതുര ഗ്രാമപഞ്ചായത്തിന്റെ അധീനതയിലുള്ള കലുങ്ക് ജംഗ്ഷനില്‍ പ്രവര്‍ത്തിക്കുന്ന ഷോപ്പിംഗ് കോപ്ലക്‌സിലാണ് എല്‍ഡിഎഫ് തെരഞ്ഞെടുപ്പ് കമ്മിറ്റി ഓഫീസ്.
എസ്‌സി, എസ്ടി വിഭാഗങ്ങള്‍ക്ക് കൊടുക്കുവാന്‍ വ്യവസ്ഥിതിയുള്ള ആഫീസാണ് എല്‍ഡിഎഫിന്റെ ആഫീസ് ആയി മാറിയിരിക്കുന്നത്. പഞ്ചായത്ത് ലേലം വിളിച്ചാണ് ഈ കെട്ടിടം പൊതുജനങ്ങള്‍ക്ക് നല്‍കുന്നത്. പാര്‍ട്ടിക്കുവേണ്ടി ബിനാമി പേരില്‍ ലേലംകൊള്ളുകയും ഇത് പാര്‍ട്ടി ആഫീസാക്കി മാറ്റുകയാണ് പതിവ്.
പഞ്ചായത്തിന്റെ അധീനതയിലുള്ള കെട്ടിടം ഇലക്ഷന്‍ മേഖല ആഫീസായി പ്രവര്‍ത്തിക്കുന്നത് തെരഞ്ഞെടുപ്പ് ചട്ടങ്ങളുടെ ലംഘനമാണെന്ന് ബിജെപി ആറ്റിങ്ങല്‍ പാര്‍ലമെന്റ് കമ്മറ്റി സെക്രട്ടറി മുളയറ രതീഷ് പറഞ്ഞു. എന്‍ഡിഎ തെരഞ്ഞെടുപ്പ് കമ്മിഷന് പരാതി നല്കൂമെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: