എറണാകുളം : ട്വന്റി ട്വന്റി മെഡിക്കല് സ്റ്റോറിന്റെ പ്രവര്ത്തനം തടഞ്ഞ് റിട്ടേണിംഗ് ഓഫീസര്. ലോക് സഭാ തെരഞ്ഞെടുപ്പ് പെരുമാറ്റച്ചട്ടം നിലവില് വന്നതിന് ശേഷമായിരുന്നു കിഴക്കമ്പലത്ത്
മെഡിക്കല് സ്റ്റോറിന്റെ ഉദ്ഘാടനമെന്നതിനാലാണ് ഇത്.
രണ്ട്കിഴക്കമ്പലം പ്രദേശവാസികളുടെ പരാതിയിലായിരുന്നു കളക്ടറുടെ നടപടി. മെഡിക്കല് സറ്റോറില് 80 ശതമാനം വിലക്കുറവിലായിരുന്നു മരുന്നുകള് വിതരണം ചെയ്തിരുന്നത്.
ഈ മാസം 21നായിരുന്നു മെഡിക്കല് സ്റ്റോര് ഉദ്ഘാടനം നടന്നത്. ഉദ്ഘാടനവുമായി ബന്ധപ്പെട്ട എല്ലാ വീഡിയോയും പോസ്റ്ററുകളും സമൂഹമാധ്യമങ്ങളില് നിന്നുള്പ്പെടെ പിന്വലിക്കാനും ഉത്തരവിട്ടിട്ടുണ്ട്.
മെഡിക്കല് സ്റ്റോറിന്റെ പ്രവര്ത്തനങ്ങള് നേരത്തേ ആരംഭിച്ചതാണെന്നും ഇതിന് തെരഞ്ഞെടുപ്പുമായി ബന്ധമില്ലെന്നുമാണ് ട്വന്റി 20ക്ക് നേതൃത്വം നല്കുന്ന കിറ്റക്സ് എം ഡി നേരത്തേ പറഞ്ഞിരുന്നത്.
