തിരുവനന്തപുരം: വേനല് ചൂടില് ചുട്ട് പൊളളവെ സംസ്ഥാനത്തെ വൈദ്യുതി ഉപയോഗം വീണ്ടും വര്ദ്ധിച്ചു. വ്യാഴാഴ്ച പീക്ക് ടൈമിലെ ആവശ്യകത 5150 മെഗാവാട്ടില് എത്തി. ഇതുവരെയുള്ള പീക്ക് ടൈമിലെ ആവശ്യകത സര്വകാല റെക്കോര്ഡില് എത്തിയിരിക്കുകയാണ്.
സംസ്ഥാനത്ത് വൈദ്യുതി ഉപയോഗം കൂടുന്നത് വലിയ രീതിയിലുള്ള പ്രതിസന്ധിയിലേക്ക് സംസ്ഥാനത്തെ നയിക്കുമോ എന്ന ആശങ്ക നിലനില്ക്കുന്നുണ്ട്.എയര് കണ്ടീഷ്ണറിന്റെ ഉപയോഗം കൂടുന്നതാണ് വൈദ്യുതില് ഉപഭോഗം കൂടുന്നതില് വലിയ പങ്ക് വഹിക്കുന്നതെന്നാണ് വിദഗ്ധര് പറയുന്നത്.
സ്ഥിതിഗതികള് ഇതേ രീതിയല് മുന്നോട്ട് പോയാല് സംസ്ഥാനം പ്രതിസന്ധി നേരിടുമെന്നും കെഎസ്ഇബി സൂചന നല്കി. കഴിഞ്ഞയാഴ്ച വൈദ്യുത പ്രതിസന്ധി ചര്ച്ച ചെയ്യാന് മുഖ്യമന്ത്രിയുടെ നേതൃത്വത്തില് യോഗം ചേര്ന്നിരുന്നു. വിവിധ സര്ക്കാര് വകുപ്പുകളില് നിന്നും കെഎസ്ഇബിക്ക് കിട്ടാനുള്ള കുടിശിക തീര്ത്തുകിട്ടുന്നത് സംബന്ധിച്ച് ചീഫ് സെക്രട്ടറി അധ്യക്ഷനായ ഉന്നതാധികാര സമിതിയെ യോഗം ചുമതലപ്പെടുത്തിയിരുന്നു. കുടിശിക തീര്ത്തുകിട്ടിയില്ലെങ്കില് കെഎസ്ഇബി വലി. സാമ്പത്തിക പ്രതിസന്ധിയിലേക്ക് നീങ്ങുമെന്ന നിലയാണുള്ളത്.
