രണ്ദീപ് ഹൂഡ സമൂഹ മാധ്യമമായ ഇന്സ്റ്റാഗ്രാമില് പങ്കുവച്ച ചിത്രം വൈറലായി. തന്റെ വരാനിരിക്കുന്ന സിനിമയായ സ്വതന്ത്ര വീര് സവര്ക്കര് റിലീസിനായി ഒരുങ്ങുന്നതിനിടെയാണ് അദേഹത്തിന്റെ പുതിയ ഫോട്ടോ ജനശ്രദ്ധനേടുന്നത്. വീര് സവര്ക്കര് കഥപാത്രം ചെയ്യാന് അദേഹം നടത്തിയ ബോഡി ട്രാന്സ്ഫര്മേഷനാണ് ഫോട്ടോയില് കാണാന് സാധിച്ചത്. ചിത്രം ഇന്റര്നെറ്റില് വൈറലാകുക മാത്രമല്ല, നെറ്റിസണ്മാരെ അമ്പരപ്പിക്കുകയും ചെയ്തു.
ഇന്നാണ് രണ്ദീപ് ഹൂഡ തന്റെ ഇന്സ്റ്റാഗ്രാം ഹാന്ഡിലില് ഒരു ബ്ലാക്ക് ആന്ഡ് വൈറ്റ് മിറര് സെല്ഫി പോസ്റ്റ് ചെയ്തത്. ഫോട്ടോയില്, സ്വതന്ത്ര വീര് സവര്ക്കറിലെ അഭിനയത്തിന് താരം ശരീരഭാരം ഗണ്യമായി കുറച്ചത് ശ്രദ്ധേയമായിരുന്നു. തന്റെ വാരിയെല്ലും ഇടുപ്പും കാണാന് സാധിക്കുന്ന തരത്തിലേക്ക് നടന് ഉണങ്ങിയത് ചിത്രത്തില് കാണാന് സാധിച്ചു. ‘കാല പാനി’ എന്ന അടിക്കുറിപ്പോടെയാണ് താരം ചിത്രം പങ്കുവെച്ചത്.
രണ്ദീപ് ഹൂഡ ഇന്സ്റ്റാഗ്രാം കാണാന് ക്ലിക്ക് ചെയ്യുക
പോസ്റ്റ് ഷെയര് ചെയ്ത് മിനിറ്റുകള് കൊണ്ട് നിരവധി പ്രതികരണങ്ങളാണ് താരത്തെ തേടിയെത്തിയത്. നടന്റെ സമര്പ്പണ മനോഭാവത്തിന് ഒരുപാട് അഭിനന്ദനങ്ങളാണ് ലഭിക്കുന്നത്. ഹോളിവുഡ് നടനും ഡാര്ക്ക് നൈറ്റില് ബാറ്റ്മാനെ അവതരിപ്പിച്ച ക്രിസ്റ്റ്യന് ബെയ്ലുമായി താരത്തെ താരതമ്യപ്പെടുത്തി ഒരു വിഭാഗം നെറ്റിസണ്സ് രംഗത്തെത്തി. രണ്ദീപ് ഹൂഡ തന്നെ സംവിധാനം ചെയ്യുന്ന ജീവചരിത്ര സിനിമയായ സ്വതന്ത്ര വീര് സവര്ക്കര് മാര്ച്ച് 22 ന് തിയേറ്ററുകളില് എത്തും.
