നാഗ്പൂര്‍: രേശിംഭാഗ് സ്മൃതിഭവന്‍ സമുച്ചയത്തില്‍ ഇന്ന് ആരംഭിക്കുന്ന ആര്‍എസ്എസ് അഖിലഭാരതീയ പ്രതിനിധി സഭയുടെ ഭാഗമായി മഹര്‍ഷി ദയാനന്ദ സരസ്വതി ഓഡിറ്റോറിയം കോംപ്ലക്‌സില്‍ ഒരുക്കിയ പ്രദര്‍ശിനി സര്‍കാര്യവാഹ് ദത്താത്രേയ ഹൊസബാളെ ഉദ്ഘാടനം ചെയ്തു. അഖിലഭാരതീയ പ്രചാര്‍ പ്രമുഖ് സുനില്‍ ആംബേക്കര്‍, സഹ പ്രചാര്‍ പ്രമുഖുമാരായ നരേന്ദ്രകുമാര്‍, അലോക് കുമാര്‍ എന്നിവരും പങ്കെടുത്തു.
ഭാരതീയ സംസ്‌കാരത്തിന്റെ നേര്‍ക്കാഴ്ച പകരുന്ന ചിത്രങ്ങള്‍, മുന്‍കാല പ്രചാരകന്മാരുടെ ജീവചരിത്രങ്ങള്‍, ഡയഗ്‌നോസ്റ്റിക് സെന്റര്‍, സേവ വിഭാഗ്, ജനകല്യാണ്‍ സമിതി തുടങ്ങിയവയുടെ പദ്ധതികള്‍ എല്ലാം പ്രദര്‍ശിനിയുടെ ഭാഗമാണ്. പരിസ്ഥിതി, സാമാജിക സമരസത, കുടുംബ പ്രബോധനം, സ്വാവലംബി ഭാരത് അഭിയാന്‍, വിവിധ സേവ സംഘടനകളുടെ സംരംഭങ്ങള്‍ എന്നിവയും പ്രദര്‍ശിനിയിലുണ്ട്.
