ബിഗ് ബോസിന്റെ ആറാം സീസണ്‍ തുടക്കം ഗംഭീരമാക്കി ലാ്‌ലേട്ടന്‍. പുതിയ മത്സരാര്‍ത്ഥികളെയും പരിചയപ്പെടുത്തിയിരിക്കുകയാണ്. സിനിമാ-സീരിയല്‍ താരങ്ങളടക്കം സോഷ്യല്‍ മീഡിയിലൂടെ ശ്രദ്ധേയരായവരുമായി 19 പേര്‍.
ഇത്തവണത്തെ ബിഗ്‌ബോസ് പല മേഖലകളിലും കഴിവുതെളിയിച്ച യുവതീ യുവാക്കളുടെ നിരതന്നെയാണ്. ഇനിയുള്ള ദിനങ്ങള്‍ പ്രേക്ഷക ലക്ഷങ്ങളുടെ അഭിരുചികള്‍ക്കനുസരിച്ച് ഉയരുമോ താഴുമോ എന്നറിയാന്‍ കാത്തിരിക്കാം.
ലാലേട്ടന്‍ മത്സരാര്‍ത്ഥികളെ പരിചയപ്പെടുത്തിയപ്പോള്‍ തന്നെ തന്റെ മകളിലൂടെയായിരുന്നു. അതേ ദൃശ്യം സിനിമയില്‍ മോഹന്‍ലാലിന്റെ മകളായി അഭിനയിച്ച അന്‍സിബാ ഹസനെ. മത്സരാര്‍ത്ഥികളുടെ ലിസ്റ്റില്‍ പരിചയസമ്പന്നരായവരില്‍ ഏറ്റവും മുന്നില്‍ നില്‍ക്കുന്നതും ഹന്‍സിബ തന്നെ.
നടി അന്‍സിബ ഹസന്‍: ഇത്തവണ ബിഗ് ബോസിലേക്ക് എത്തിയവരില്‍ ശ്രദ്ധേയായവരില്‍ ഒരാള്‍ അന്‍സിബയാണ്. ആദ്യ മത്സരാര്‍ഥിയായിട്ടാണ് അന്‍സിബ എത്തിയത്.
യമുന റാണി: സീരിയലിലും സിനിമയിലും ഒരുപോലെ തിളങ്ങി നിന്നിട്ടുള്ള നടി യമുന റാണിയും ഇത്തവണ ബിഗ് ബോസില്‍ മാറ്റുരയ്‌ക്കാന്‍ എത്തിയിരിക്കുകയാണ്.
ഋഷി എസ് കുമാര്‍: ഉപ്പും മുളകും എന്ന ടെലിവിഷന്‍ പരമ്പരയിലൂടെ ശ്രദ്ധേയനായ താരമാണ് ഋഷി എസ് കുമാര്‍. മുടിയന്‍ എന്നാണ് അറിയപ്പെടുന്നത്. നല്ലൊരു ഡാന്‍സറും കൂടിയാണ്.
ജാസ്മിന്‍ ജാഫര്‍: സോഷ്യല്‍ മീഡിയയിലൂടെ സുപരിചിതയായ താരമാണ് ജാസ്മിന്‍ ജാഫര്‍. യൂട്യൂബ്, ഇന്‍സ്റ്റഗ്രാം വ്‌ളോഗുകളിലൂടെയാണ് ജാസ്മിന്‍ ശ്രദ്ധ നേടുന്നത്. ഫഌവേഴ്‌സ് ചാനലിലെ കുക്ക് വിത്ത് കോമഡി എന്ന ടെലിവിഷന്‍ പരിപാടിയിലും ജാസ്മിന്‍ സാന്നിധ്യം അറിയിച്ചു.
ശ്രീരേഖ: മിന്നുകെട്ട് സീരിയലിലൂടെ ശ്രദ്ധേയായ നടിയാണ് ശ്രീരേഖ. വെയില്‍ എന്ന സിനിമയില്‍ ഷെയിന്‍ നിഗത്തിന്റെ അമ്മയായി അഭിനയിച്ചും ശ്രീരേഖ ശ്രദ്ധിക്കപ്പെട്ടിരുന്നു. ഈ സിനിമയിലൂടെ സംസ്ഥാന സര്‍ക്കാരിന്റ അവാര്‍ഡും നേടിയിടുണ്ട്.
ജാന്‍ മണി: അസാമില്‍ നിന്നും കേരളത്തിലെത്തിയ ജാന്‍ മണിയാണ് മറ്റൊരു ശ്രദ്ധേയായ മത്സരാര്‍ഥി. സെലിബ്രിറ്റി മേക്കപ്പ് ആര്‍ട്ടിസ്റ്റായി ശ്രദ്ധിക്കപ്പെട്ട താരമാണ് ജാന്‍ മണി.
ശരണ്യ ആനന്ദ്: വീണ്ടും സീരിയല്‍ പ്രേക്ഷകര്‍ക്ക് പ്രിയങ്കരിയായ നടി ശരണ്യ ആനന്ദ്.
ശ്രീതു കൃഷ്ണ: ചെന്നൈ മലയാളിയാണ്. മലയാളം-തമിഴ് സീരിയലുകളില്‍ സജീവം. ഏഷ്യനെറ്റിലെ അമ്മയറിയാതെ സീരിയലില്‍ അലീന ടീച്ചറിലൂടെ മലയാളികളുടെ മനസ്സില്‍ നിറഞ്ഞു നിന്ന നടിയാണ്.
അപ്‌സര രത്‌നാകരന്‍: ഹാസ്യനടിയായും വില്ലത്തിയായും മലയാള ടെലിവിഷന്‍ ചാനലില്‍ നിറഞ്ഞു നില്‍കുന്ന നടി. സാന്ത്വനം സീരിയലിലെ ജയന്തിയായി പ്രേക്ഷകരുടെ മനം നിറഞ്ഞ നടി.
സുരേഷ് മേനോന്‍: ബോംബെ മലയാളിയാണ്. സിനിമാമേഖലയില്‍ ആണെങ്കിലും മലയാളികള്‍ അറിയുന്നത് മോഹന്‍ലാലിന്റെ ഭ്രമരം സിനിമയില്‍ കൂട്ടുകാരനെത്തിയ ഉണ്ണി.
സോഷ്യല്‍ മീഡിയ അടക്കം മറ്റ് മേഖലകളില്‍ നിന്നായി സിജോ ടോക്‌സ്, ജിന്റോ, അസി റോക്കി, നോറ മുസ്‌കന്‍, അര്‍ജുന്‍ ശ്യാം, ഗബ്രി ജോസ്, രതീഷ് കുമാര്‍, എന്നിങ്ങനെ പത്തൊമ്പതോളം മത്സരാര്‍ഥികളാണ് പങ്കെടുക്കുന്നത്.
ഫിസിക്കല്‍ എജ്യേുക്കഷന്‍ ടീച്ചറായി ജോലി ചെയ്യുന്ന കൊച്ചി സ്വദേശി റസ്മിന്‍ ഭായി, ട്രാവല്‍ ഫ്രീക്കായ നിഷാന എന്നിവരാണ് ഈ സീസണിലെ കോമണര്‍ മത്സരാര്‍ത്ഥികള്‍.
പ്രതികരിക്കാൻ ഇവിടെ എഴുതുക: