കണ്ണൂര്: സീറ്റ് നല്കാത്തതില് കോണ്ഗ്രസ് നേതൃത്വത്തെ വിമര്ശിച്ച് എഐസിസി വക്താവ് ഷമാ മുഹമ്മദ്. വടകരയില് തന്നെ പരിഗണിക്കാമായിരുന്നുവെന്നും ഷമ പറഞ്ഞു. മലബാറിലും ന്യൂനപക്ഷ വിഭാഗത്തിലുള്ളവര് ഉണ്ട്. വടകരയില് ഷാഫിയെ കൊണ്ടുവന്നാല് പാലക്കാട് പരിക്ക് പറ്റുമെന്നും ഷമ മുഹമ്മദ് പറഞ്ഞു.
ലോക്സഭ തെരഞ്ഞെടുപ്പില് കോണ്ഗ്രസ് സ്ഥാനാര്ത്ഥി പട്ടികയില് സ്ത്രീപ്രാതിനിധ്യം കുറവാണെന്ന് ഷമ മുഹമ്മദ് പറഞ്ഞു. സ്ത്രീകള്ക്ക് പ്രാതിനിധ്യം നല്കുന്നില്ലെന്ന പരാതിയുണ്ട്. പാര്ട്ടി ഇത് മനസിലാക്കണം- ഷമ മുഹമ്മദ് പറഞ്ഞു.
രാഹുല് ഗാന്ധി എപ്പോഴും സ്ത്രീകള്ക്ക് വേണ്ടി സംസാരിക്കും.എന്നാല് കോണ്ഗ്രസ് സ്ഥാനാര്ത്ഥി പട്ടികയില് സ്ത്രീകളെ അവഗണിച്ചു. സംവരണ സീറ്റ് ഇല്ലായിരുന്നെങ്കില് രമ്യാ ഹരിദാസിനെയും തഴഞ്ഞേനെ.
പാര്ട്ടി പരിപാടികളില് സ്റ്റേജില് പോലും സ്ത്രീകള്ക്ക് സ്ഥാനമില്ല. സ്ത്രീകള്ക്ക് എപ്പോഴും തോല്ക്കുന്ന സീറ്റാണ് നല്കുന്നതെന്നും ഷമ മുഹമ്മദ് കുറ്റപ്പെടുത്തി.
