അനക്ക് എന്തിന്റെ കേടാ’ സി. സ്പയിസ്​ ഒ.ടി.ടി പ്ലാറ്റ്​ഫാമിൽ; സ്​ട്രീമിങ്​ മാർച്ച്​ ഏഴ്​ മുതൽ

അടുത്തിടെ തിയറ്റർ റിലീസിനെത്തുകയും ഏറെ ശ്രദ്ധേയമാകുകയും ചെയ്ത ‘അനക്ക് എന്തിന്റെ കേടാ’ സിനിമയുടെ ഒ.ടി.ടി റിലീസ്​ പ്രഖ്യാപിച്ചു. കേരള ഗവൺമെന്‍റിന്റെ കീഴിൽ ഇതാദ്യമായി ആരംഭിക്കുന്ന ‘സി സ്​പെയിസ്​’ ഒ.ടി.ടി പ്ലാറ്റ്​ ഫോമിലൂടെയാണ്​ ചിത്രം എത്തുന്നത്​. മാർച്ച്​ ഏഴിന്​ കേരള മുഖ്യമന്ത്രി ഉദ്​ഘാടനം ചെയ്യുന്ന സി സ്​പെയ്​സിന്റെ ആദ്യചിത്രങ്ങളുടെ മുൻനിരയിലാണ്​ ഈ സിനിമയും ഉള്ളത്​. മാധ്യമ പ്രവർത്തകനായ ഷമീർ ഭരതന്നൂർ സംവിധാനം ചെയ്ത സിനിമ ബി.എം.സി ബാനറിൽ ഫ്രാൻസിസ് കൈതാരത്ത്​ നിർമ്മിച്ച ചിത്രം തിയറ്റർ റിലീസ്​ ചെയ്തപ്പോൾ കേരളത്തിലെ പ്രധാന തിയറ്ററകളിൽ മൂന്ന്​ വാരത്തോളം ഓടിയിരുന്നു. മാത്രമല്ല ചിത്രം ചില സമകാലിക സംഭവങ്ങളുമായി ബന്​ധപ്പെട്ട്​ ഉണ്ടായ വിവാദങ്ങളുടെ പശ്​ചാത്തലത്തിലും ശ്രദ്ധേയമായിരുന്നു. സുധീർ കരമന അഭിനയിച്ച സെയ്​ദലവി ഉസ്താദ്​ എന്ന കഥാപാത്രത്തിന്റെ രംഗങ്ങൾ റീലുകളായി സോഷ്യൽ മീഡിയ ഏറ്റെടുക്കുകയും ചെയ്തിരുന്നു.
അഖിൽ പ്രഭാകർ, സ്നേഹ അജിത്ത്, സുധീർ കരമന, സായ്‌കുമാർ, മധുപാൽ, ബിന്ദുപണിക്കർ, വീണ, വിജയകുമാർ, കൈലാഷ്, ശിവജി ഗുരുവായൂർ, കലാഭവൻ നിയാസ്, റിയാസ് നെടുമങ്ങാട്, വീണ, കുളപ്പുള്ളി ലീല, ജയാമേനോൻ, പ്രകാശ് വടകര, സന്തോഷ് കുറുപ്പ്, അച്ചു സുഗന്ധ്, അനീഷ് ധർമൻ, ഇഷിക, പ്രീതി പ്രവീൺ, സന്തോഷ് അങ്കമാലി, മാസ്റ്റർ ആദിത്യദേവ്, ഇല്യൂഷ്, പ്രഗ്നേഷ് കോഴിക്കോട്, മുജീബ് റഹ്മാൻ ആക്കോട്, ബീന മുക്കം, ജിതേഷ് ദാമോദർ, മുനീർ, മേരി, ഡോ.പി.വി ചെറിയാൻ, ബിജു സർവാൻ, അൻവർ നിലമ്പൂർ അനുറാം എന്നിവരാണ്​ അഭിനയിച്ചിരിക്കുന്നത്​.
പ്രശസ്ത സംവിധായകൻ ലെനിൻ രാജേന്ദ്രന്റെ പുത്രൻ ഗൗതം ലെനിനാണ് ഛായാഗ്രഹണം. സംഗീതം: പണ്ഡിറ്റ് രമേശ് നാരായൺ, നഫ്​ല സജീദ്-യാസിർ അഷറഫ്. ഗാനരചന: വിനോദ് വൈശാഖി, എ.കെ. നിസാം, ഷമീർ ഭരതന്നൂർ. ആലാപനം: വിനീത് ശ്രീനിവാസൻ, സിയാ ഉൽ ഹഖ്.
എഡിറ്റർ: നൗഫൽ അബ്ദുല്ല. ആർട്ട്: രജീഷ് കെ സൂര്യ. മേയ്‌ക്കപ്പ്: ബിനു പാരിപ്പള്ളി, കൊറിയോഗ്രഫി: അയ്യപ്പദാസ്, പ്രൊജക്ട് ഡിസൈനിങ്: കല്ലാർ അനിൽ, പ്രൊജക്ട് കോർഡിനേറ്റർ: അസീം കോട്ടൂർ. ലൊക്കേഷൻ മാനേജർ: കെ.വി. ജലീൽ, ലൈൻ പ്രൊഡ്യൂസർ: ഫ്രെഡ്ഡി ജോർജ്, അൻവർ നിലമ്പൂർ, മാത്തുക്കുട്ടി. പരസ്യകല: ജയൻ വിസ്മയ. പശ്​ചാത്തല സംഗീതം: ദീപാങ്കുരൻ കൈതപ്രം.