ഓക്ക്‌ലന്‍ഡ്: ന്യൂസിലന്‍ഡ് പേസ് ബൗളര്‍ നീല്‍ വാഗ്നര്‍ അന്താരാഷ്‌ട്ര ക്രിക്കറ്റ് മതിയാക്കി. നാട്ടിലെത്തിയ ഓസ്‌ട്രേലിയയ്‌ക്കെതിരായ ടെസ്റ്റ് പരമ്പര നാളെ തുടങ്ങാനിരിക്കെയാണ് താരത്തിന്റെ വിരമിക്കല്‍ പ്രഖ്യാപനം.37 കാരനായ താരം 12 വര്‍ഷത്തെ കരിയറില്‍ രാഷ്‌ട്രത്തിനായി 64 ടെസ്റ്റുകളില്‍ കളിച്ചു. 260 വിക്കറ്റുകള്‍ നേടി.
ഒട്ടും എളുപ്പമല്ല ഈ തീരുമാനമെടുക്കാന്‍. തീര്‍ത്തും വൈകാരികമായ ഒരു ആഴ്‌ച്ചതന്നെയാണിത്. തനിക്ക് എല്ലാവിധ പിന്തുണയും നല്‍കി ഒപ്പം നിന്ന സഹതാരങ്ങള്‍ക്കും തനിക്ക് വേണ്ടി പലത്യാഗങ്ങളും സഹിച്ച കുടംബാംഗങ്ങള്‍ക്കും എല്ലാം നന്ദി പറയുന്നു. താരം അറിയിച്ചു. 2021ല്‍ പ്രഥമ ലോക ടെസ്റ്റ് ചാമ്പ്യന്‍ഷിപ്പ് നേടിയ ന്യൂസിലന്‍ഡ് ടീമില്‍ വാഗ്നറും ഉല്‍പ്പെട്ടിരുന്നു.
ദക്ഷിണാഫ്രക്കയില്‍ ജനിച്ച താരം 2008ലാണ് ഡൂനേഡിനിലേക്ക് എത്തുന്നത്. അന്ന് മുതല്‍ ആഭ്യന്തര ക്രിക്കറ്റില്‍ സജീവമായി 2012ലാണ് ദേശീയ ടീമില്‍ ഇടം ലഭിക്കുന്നത്. വെസ്റ്റിന്‍ഡീസിനെതിരെ ആയിരുന്നു അരങ്ങേറ്റം. 39 റണ്‍സിന് ഏഴ് വിക്കറ്റ് വീഴ്‌ത്തിയതാണ് ഏറ്റവും മികച്ച പ്രകടനം. ആഭ്യന്തര ക്രിക്കറ്റില്‍ തുടര്‍ന്നും കളിക്കുമെന്ന് താരം അറിയിച്ചു.
പ്രതികരിക്കാൻ ഇവിടെ എഴുതുക: