തിരുവനന്തപുരം: സ്റ്റേറ്റ് ബാങ്ക് ഓഫ് ഇന്ത്യയുടെ തിരുവനന്തപുരം സര്ക്കിള് ക്ഷയരോഗികള്ക്കായി 97.50 ലക്ഷം രൂപ സിഎസ്ആര് പ്രവര്ത്തനങ്ങളുടെ ഭാഗമായി സംഭാവന നല്കി.
എസ്ബിഐ തിരുവനന്തപുരം സര്ക്കിളിന്റെ ഡെപ്യൂട്ടി മാനേജിംഗ് ഡയറക്ടറും സിഡിഒയുമായ ബിനോദ് കുമാര് മിശ്ര ദേശീയ ആരോഗ്യ ദൗത്യത്തിന്റെ സംസ്ഥാന മിഷന് ഡയറക്ടര് ജീവന് ബാബു ഐഎഎസിന് ചെക്ക് തിരുവനന്തപുരത്ത് കൈമാറി. കേരളത്തിലെ 2500 ക്ഷയരോഗികള്ക്ക് 6 മാസത്തേക്ക് പോഷകാഹാരം നല്കുന്നതിന് ഈ തുക വിനിയോഗിക്കും. എസ് ബി ഐ കേരള സര്ക്കിള് സി ജി എം ഭുവനേശ്വരി എ, ജനറല് മാനേജര് ആരിഫ് മുഹമ്മദ് ഖാന്, സ്റ്റേറ്റ് ടി ബി ഓഫീസര് ഡോ രാജാറാം കെ കെ തുടങ്ങിയവര് പങ്കെടുത്തു.
