കൊച്ചി: പോപ്പുലര്‍ ഫ്രണ്ട് കേസില്‍ എന്‍ ഐ എ അന്വേഷിച്ചു വന്ന കണ്ണൂര്‍ സ്വദേശി അറസ്റ്റിലായി. ജാഫര്‍ ഭീമന്റവിടെയാണ് കണ്ണൂരിലെ വീട്ടില്‍ നിന്ന് പിടിയിലായത്.
ഇയാള്‍ പോപ്പുലര്‍ ഫ്രണ്ടിന്റെ ആയുധ പരിശീലകനായാണ് അറിയപ്പെട്ടിരുന്നതെന്ന് എന്‍ഐഎ പറയുന്നു. ദീര്‍ഘകാലമായി ഒളിവിലായിരുന്നു.
കേസില്‍ അന്‍പത്തിയൊന്‍പതാം പ്രതിയാണ് ജാഫര്‍.2047 ല്‍ ഇന്ത്യയില്‍ ഇസ്ലാമിക ഭരണം കൊണ്ടുവരുന്നതിനായി ഗൂഡാലോചന നടത്തിയെന്നാണ് ഇയാള്‍ക്കെതിരായ പ്രധാന ആരോപണം.ഇത് ലക്ഷ്യമിട്ട് തീവ്രവാദ സംഘടനകളുമായി ബന്ധം പുലര്‍ത്തിയെന്നും എന്‍ഐഎ പറയുന്നു.
