ന്യൂദൽഹി: അധികാരത്തിനു വേണ്ടിയല്ല മറിച്ച് ബിഹാറിന്റെ താൽപര്യം മുൻനിർത്തിയാണ് ബിജെപി നിതീഷ് കുമാറിനെ എൻഡിഎയിലേക്ക് ക്ഷണിച്ചതെന്ന് മുതിർന്ന ബിജെപി നേതാവും കേന്ദ്രമന്ത്രിയുമായ ഗിരിരാജ് സിംഗ് പറഞ്ഞു. ബിഹാർ ഉപമുഖ്യമന്ത്രിമാരായ സാമ്രാട്ട് ചൗധരിക്കും വിജയ് സിൻഹയ്ക്കും അനുമോദനം അർപ്പിക്കുന്ന ദൽഹി ബിജെപി ഘടകത്തിന്റെ ചടങ്ങിൽ സംസാരിക്കുകയായിരുന്നു സിംഗ്.
“‘വഴിതെറ്റിപ്പോയവരെ ബിഹാറിന്റെ താൽപ്പര്യം കണക്കിലെടുത്ത് അവരെ തിരികെ കൊണ്ടുവരേണ്ടത് ആവശ്യമാണ് ” – അദ്ദേഹം പറഞ്ഞു. അധികാരത്തിനുവേണ്ടി ഞങ്ങൾ വിട്ടുവീഴ്ച ചെയ്തിട്ടില്ല, നിതീഷ് കുമാറിനെ എൻഡിഎയിലേക്ക് തിരിച്ചെടുത്തിട്ടുണ്ടെങ്കിൽ അത് ബിഹാറിന്റെ താൽപ്പര്യമാണ്, അധികാരത്തിന് വേണ്ടിയല്ല,” – അദ്ദേഹം പറഞ്ഞു.
1990 ലും 2005 ലും ബിഹാറിൽ ബിജെപി മത്സരിച്ചിട്ടുണ്ട്. പല തരത്തിലുള്ള ബുദ്ധിമുട്ടുകൾ സഹിക്കുകയും സംസ്ഥാനത്ത് ജംഗിൾ രാജ് അവസാനിപ്പിക്കാൻ നിതീഷ് കുമാറിനെ മുഖ്യമന്ത്രിയാക്കുകയും ചെയ്തുവെന്നും കേന്ദ്രമന്ത്രി പറഞ്ഞു.
