കൊച്ചി: പെരുമ്പാവൂരിൽ ടൂറിസ്റ്റ് ബസും ലോറിയും കൂട്ടിയിടിച്ച് അപകടം. സംഭവത്തിൽ 40-ൽ അധികം പേർക്ക് പരിക്ക്. പെരുമ്പാവൂർ എംസി ജംഗ്ഷനിൽ വച്ചാണ് കോളേജ് വിദ്യാർത്ഥികൾ വിനോദയാത്ര പോയ ബസും ലോറിയും തമ്മിൽ കൂട്ടിയിടിച്ചത്.
കരിപ്പൂർ ഇഎംഇഎ കോളേജിൽ നിന്നുമുള്ള വിദ്യാർത്ഥികൾ സഞ്ചരിച്ച ബസാണ് അപകടത്തിൽപ്പെട്ടത്. ആരുടെയും പരിക്ക് ഗുരുതരമല്ലെന്നാണ് വിവരം. വിദ്യാർത്ഥികളുമായി മൂന്നാറിൽ നിന്നും എത്തിയ ബസും ആലുവ ഭാഗത്ത് നിന്ന് മൂവാറ്റുപുഴ ഭാഗത്തേക്ക് പോയ ലോറിയും തമ്മിലാണ് കൂട്ടിയിടിച്ചത്.
