തിരുവനന്തപുരം: എസ് എന് ഡി പി യോഗം ജനറല് സെക്രട്ടറി വെളളാപ്പളളി നടേശന് പരോക്ഷമായി മറുപടി നല്കി ഗതാഗതമന്ത്രി കെ.ബി.ഗണേഷ് കുമാര്. ശാശ്വതീകാനന്ദ സ്വാമി സിംഹാസനത്തിലിരുത്തിയവര് അവിടെ മലീമസമാക്കുന്നുവെന്ന് ഗണേഷ് കുമാര് പറഞ്ഞു.
അവരുടെ സംസ്കാരത്തിനനസരിച്ച് മറുപടി പറയുന്നില്ലെന്നും ഗണേഷ് കുമാര് തിരുവനന്തപുരത്ത് പറഞ്ഞു.ശ്രീനാരായണ ഏകീകരണ പിന്നാക്ക സംഘടനകളുടെ കേരള കോണ്ഗ്രസ് -ബി ലയന സമ്മേളനത്തില് സംസാരിക്കുകയായിരുന്നു മന്ത്രി.
സ്വഭാവ ശുദ്ധിയില്ലാത്തയാളെ മന്ത്രിയാക്കിയാല് വെളുക്കാന് തേച്ചത് പാണ്ടാകുമെന്ന് നേരത്തേ വെളളാപ്പള്ളി പറഞ്ഞിരുന്നു. ഇതിനാണ് ഗണേഷ് പരോക്ഷമായി മറുപടി നല്കിയത്.
