പത്തനംതിട്ട : റാന്നി പമ്പ നദിയില് ഒഴുക്കില്പ്പെട്ട മൂന്ന് പേരുടെയും മൃതദേഹങ്ങള് കിട്ടി. പുതുശേരിമല സ്വദേശി അനില്കുമാര്, മകള് നിരജ്ഞന, സഹോദരി പുത്രന് ഗൗതം സുനില് എന്നിവരാണ് മരിച്ചത്. കുളിക്കാന് എത്തിയവരാണ് അപകടത്തില് പെട്ടത്. അനിലും ഗൗതവുമാണ് നദിയിലേക്ക് ഇറങ്ങിയത്.
ഗൗതമിന്റെ മൃതദേഹമാണ് ആദ്യം ലഭിച്ചത്. പിന്നീട് അനില്കുമാറിന്റെയും നിരജ്ഞനയുടെയും മൃതദേഹം ലഭിച്ചു. സഹോദരിയുടെ വീട്ടില് എത്തിയ അനില്കുമാറും കുടുംബവും ഗൗതത്തെയും കൂട്ടി നദിയില് തുണി നനയ്ക്കാന് എത്തിയപ്പോഴാണ് അപകടം ഉണ്ടായത്.
ആഴമുണ്ടെന്നും ഇറങ്ങരുതെന്നും പ്രദേശവാസികള് മുന്നറിയിപ്പ് നല്കിയിട്ടും ഇത് അവഗണിക്കുകയായിരുന്നു. ഉടന് ഇരുവരും ഒഴുക്കില്പ്പെട്ടു.ഇവരെ രക്ഷിക്കാന് ശ്രമിക്കുന്നതിനിടെ നിരജ്ഞനയും ഒഴുക്കില് പെടുകയായിരുന്നു.
