ന്യൂഡല്‍ഹി: ഇന്ത്യയുടെ സ്റ്റാര്‍ ബാറ്റര്‍ വിരാട് കോഹ്‌ലിയും പങ്കാളിയും ബോളിവുഡ് താരവുമായ അനുഷ്‌ക ശര്‍മ്മയും രണ്ടാമത്തെ കുഞ്ഞിനെ വരവേല്‍ക്കാന്‍ ഒരുങ്ങുന്നതായി റിപ്പോര്‍ട്ട്. താര ദമ്പതികള്‍ക്ക് കൂട്ടായി രണ്ടാമതൊരു കുഞ്ഞ് കൂടിയെത്തുന്നുവെന്ന് മുന്‍ ദക്ഷിണാഫ്രിക്കന്‍ ക്യാപ്റ്റന്‍ എബി ഡി വില്ലിയേഴ്‌സാണ് സ്ഥിരീകരിച്ചത്.
അനുഷ്‌കയും തന്റെ നല്ല സുഹൃത്തായ കോഹ്‌ലിയും ഈ വര്‍ഷം അവരുടെ രണ്ടാമത്തെ കുഞ്ഞിനായി കാത്തിരിക്കുന്നുവെന്നാണ് തന്റെ യൂട്യൂബ് ചാനലില്‍ ഡിവില്ലിയേഴ്‌സ് വെളിപ്പെടുത്തിയത്.
‘ഞാന്‍ കോഹ്‌ലിക്ക് മെസേജ് അയച്ചു, അദ്ദേഹത്തിന്റെ വായില്‍നിന്ന് കേട്ടു. കൂടുതല്‍ വിവരങ്ങള്‍ വെളിപ്പെടുത്താനാകില്ല, ഒരുകാര്യം പറയാം, അവന്‍ സുഖമായിരിക്കുന്നു, കുടുംബത്തോടൊപ്പം സമയം ചെലവഴിക്കുന്നു. അതാണ് ഇംഗ്ലണ്ടിനെതിരായ ആദ്യ ടെസ്റ്റ് മത്സരങ്ങള്‍ നഷ്ടപ്പെടാന്‍ കാരണം. രണ്ടാമത്തെ കുഞ്ഞിനായി കാത്തിരിക്കുകയാണ്, ഇത് കുടുംബത്തിനൊപ്പം ചെലവഴിക്കാനുള്ള സമയമാണ്’ ഡിവില്ലിയേഴ്‌സ് പറഞ്ഞു.
ഇംഗ്ലണ്ടിനെതിരായ ആദ്യ രണ്ടു ടെസ്റ്റുകളില്‍നിന്ന് സൂപ്പര്‍ ബാറ്റര്‍ വിരാട് കോഹ്‌ലി വിട്ടുനില്‍ക്കുന്നതിന്റെ കാരണം തേടുകയായിരുന്നു ഇതുവരെ ആരാധകര്‍. പലവിധ അഭ്യൂഹങ്ങളാണ് ഇതുമായി ബന്ധപ്പെട്ട് പുറത്തുവന്നത്.
പ്രതികരിക്കാൻ ഇവിടെ എഴുതുക: